Thantlang hi VZT an si maw?

Vanzang Tlang nihcun Thantlang hi VZT bak ah ruah an si. Kei zong nih cuti cun, ka ruah peng. Mah caah ka hei tlaihchan ve dom. Cun, Zah-ngo te tlang ti phun a rak si ti in ka thei.

Zah-nak lam cu a nak deuhmi Africa lei cii ai tel deuhmi an rak si sual maw dek… 😀 😀 😀 VZT kiangkap cem le unau bik tlaang, mi tluangtlam tlaang an si. An min bel ah, “Nak” ti itelh hna khi an rak uar dom; an ti.

TABC nih area an iphawt ningah Tlangrua khi VZT an rak si ve rua. Thlualam tu cu ka hngal ve lo le mu. Atu belte ah Thlualam le Tlangrua khi Vailam Tlang deuh in cohlan si rua dah ka ti.

A hnu in an ifuntom ning ka van fiang ti lo i… TT hi Vailam Tlang lei maw an panh, a original VZT ah cun dah ti khi theih ka duh dom.

TT hi zei tlang hmanh i an itel lo ahcun, a original VZT ah khumh awk an si, ka ti ko cu.Zeitin nan hei ruah cio ve hnga?Crd-Salai C Alexander

Hlenhmangmi Hna Nih An Comi
Hlanlio ah Ginga tiva kam ah Sadu pakhat a rak um. Nikhat cu holh lo taya a cinh. Mi chawnh a duh hna tikah a kutke in a hmuhsak hna, amah hi zultu zong a ngei. Voikhat cu Sadu nih UGani cu bawmh a rak hal.

U Gani nih fanu dawh tak Visi angeih. Visi nih cun Sadu caah thil cu a rak pek. Sadu cu Visi a hmuh tikah ruahlo pi in “aa dawhning cu!” tiah a chim sual. U Gani nih a theih manh, “Mithiangpa, Taya a cinh tiah ka theih nain a tunai kha bia na chimhmi mi a lo e,” a ti. Sadu nih cun, “Taya ka cinh mi a rawhnak cu na fanu ruangah a si, ” a ti. UGani nih, “Aw zeitindah ka fanu nih cun a hrawh khawh?a ti.

Sadu nih, “U Gani na fanu va na ngeihter le cangka na inn ah vanchiatnak a tlung lai,” a ti. UGani cu a lau tuk i Sadu cu ruahnak a hal. Sadu nih, “Na fanu cu kuangchungah khumh law tiva fenhter cu na nunchung nanuam lai,” a ti. UGani cu a ruahnak a tlawm deuhmi a si caah Visi nih a duh lo bu in Sadu chimhmi cu a tuah. Sadu nih cun a tapeh pawl kha tiva nih kuang a hun fenh lai i nan char te lai tiah a cah hna. Culio ah siangpahrang fapa cu tiva kam ah a rak ra kuang a hmuh caah a mi a charter hna Visi cu a hmuh. Visi nih thil sining a chimh dih tikah Sadu cu atuah hraam i ram lak ah zawngpi a tlaih i kuangchung ah a khumh tiva ah a fenhter.

Cu kuangcu Sadu tapeh pawlnih an rak lak Sadu sinah an ratpi. Sadu nih tuzan cu taya ka cinh lai ka pawngah ra hlah u ati hna. Cu zan tim hrawng cu thingkuang cu a kau tikah zawngpi a thin huntuk mi nih Sadu cu a rak kheuh len ko. Sadu a au i atapeh pawl nih an hun chanh. Sadu sining kha a tapeh nih an hngalh tikah an kal tak dih.

Crd. Sarpaymyohtaw, June 28, 2022Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u. Heb. 12:15Crd-Mah Azi

Be the first to comment

Leave a Reply

Your email address will not be published.


*