Thanthan khua chung khua arak sa mi hna nih ruah awk ah ka duhmi cu..

Thanthan khua chung khua arak sa mi hna nih ruah awk ah ka duhmi cu…

Thantlang khuachung ah khuasa ve ko mi Inn le lo dum le hau zong aa neih ve ko mi mino le Tlangval hna nih Ram dang le ralzam dirhmun in le Nu le Pa sin ah an zaam mi hi Thantlang kan lak tik zong ah a lut ngam ding ah kan ruat hna lo.

Nule Pa zong nih Mi fa vial raltuk nak ah thazaang va pek ngai Mah fa le vial sian tuk hna lo.

Thantlang khua chung ah mino hi a thong in kan rak um ko. mah hna hi CDF le CNA tal ah i tel hna seh law tampi hmual a nei deuh hnga.

mikut cung rul tlai ah ka ruah hna. Tt luh tik ah a buai bikmi zong an si te men lai.Crd-Salai Phuntanh

Minung Holh Tarpa pakhat nih a tupa cu, “Katu mirang holh na thiam maw?,” a ti. Tupa nih, “ Ka thiam lo sianginn ka kai lo cu teh,” a ti. Tarpa nih,“Ka chin holh na thiammaw?” A ti ṭhan. Tupa, “ Ka pu Kachin ram ka phan bal lo, ka thiam lo,” a ti. Tarpa, “Karen holh teh na thiam maw?” a ti ṭhan. Tupa, “ Ka thiam lo, ka thei bal lo,” a ti.

Tarpa nih, “Katu, vawlei ah miphun dang holh na thiam lo zongah a poinak a um lo. Katu na hngalh awk cu dawtnak he minung nih minung bantuk in an chimmi minung holh kha a biapi bik a si. Micheukhat holh phunphun an thiam, an i uangthar i minung nih minung holh in an chim mi kha an thei kho lo. Fim le fimlo, cathiam le thiam lo kha biapi bik a si lo, minung he kan umti tikah minung bantuk i chim khawh kha abiapi cuh. Nangcu uah hmang hlah katu, mi uah nih cun an mah bia pin in midang bia kha zeiah an rel lo.

Minung holh kha minung bantuk in chim thiam le minung bantuk in lungfian kha a herh bik,” a ti. Sar Pay Myoh Taw, September 9, 2022 Minung holh a phunphun in ka hei holh kho ko hnga i vanmi holh hmanh ka hei thiam ko hnga, sihmanhsehlaw dawtnak ka ngeih lo ahcun ka holh cu darkhuang hnachet thawng le sumsel tum thawng bantuk men a si ko(1 Kor. 13:1).Mah Azi

Be the first to comment

Leave a Reply

Your email address will not be published.


*