Thaizing timi cu a um zungzal ding a si lo

Nihin thaizing timi hi minung nih kan hmuh zungzal ding a si lo, kum a tam lai,Ni le thla a liam lai, vanchiat thatnak zawng kan tong lai, cucu Pathian nih minung kan ca ah serchihmi Lairelpiak mi a si.

Nihin caan hi caan tha a si i, nihin le thaizing hi Ram le Miphun ca ah thiltha tuah caan le riantuan caan cu a si. Thaizing ti leng mang ahcun minung nih kan hmuh peng ding a si lo ca ah i ruahchan lo hi a tha.

Nihin a tu caan sining hi a biapi i sermi vial te ca ah a tu nihin caan kan hman cuahmah mi hna hi laksong sung a si.Ram caah hriamtlaih timi zawng hi Chin Mino dihlak le Nu le Pa dihlak nih Pathian nih kan mah hmang in le kan fa le hmang in kan ram luatter a duh i sersiam a duh kan biaknak zalonter a duh timi kan cohlan khawh ahcun nihin thaizing timi hi voitam kan rel hlan ah kan ram cu zalennak a hmuh ko lai.

Zeizong vialte nih caan an ngei i phun caan a um i tuan caan a um,Ih caan a um i thawh caan a um,cu caah kan ram zong a tu hi a luatnak hnga dothlen caan a si ca ah, thaizing hngak peng lo in a tu ah dothlennak ah i tel ko hna usih. Thaizing timi le nihin timi hi caan sau a ra ti lo kho mi a si ca ah a caan a um lio ah tuan ko hna usih.Crd-Salai Dk

Ngaihthiamnak thluachuah!Voikhat ah missionary a kalmi nuva hna cu an kalnak khuami tam deuh nih a rak cohlaan hna lo. Asinain an khua i a hrianglei teah inn chia te an isak i an um hnawh hna.

Cheukhat an khuami nih kal/chuak hna seh tiah an duh caah an inn hmai ah saṭhil ek, hnawm tibantuk kha an rak chiah hnawh lengmang hna i biachia chia in pomh le nehsawh an tong.

Missionary nuva hna nihcun holh lotein, daitein an um i an leh hna lo. Hmai panh tein an inn hmai i saṭhil ek le hnawm pawl cu an ruh/thianh i inn hnu lei ah dum an tuah.

Caan a hun rauh tikah an dum i thlaici pawl cu Bawipa nih thluachuah i tamtuk a tlai i an hun ṭha taktak hna. Missionary nuva hna nihcun an dum chuak vegetables pawl cu an khuami inn khat hnu inn khat in an pek hna.

Cuhnu ah Jesuh Khrih thawngṭha chim khawhnak lam a hun iong i kum 3 hnu ahcun an khuapi tein Jesuh Khrih an zumh i Khrihfa khua ah ai chuah!

Cubantukin kan tonmi thilkip hi ngaihthiamnak thinlung he lehrulh ahcun Bawipa nih thluachuah tuk i ral hna hmanh hi hawikom ṭha bik ah an ichuah. Thil ṭha lo hna hi thilṭha ah an ichuah!

Na cung i a tlungmi, mi nih an ichehnak bia, an ithangchiatnak bia, an inehsawhnak bia le na kong an iceihnak bia hna kha ikhon ve hna. Thilṭha lo an in timi, an idoh/ralmi le sualphawtnak bia hna kha ngaithiam. Bawipa nih an zoh sawh lo.

Kha na tonmi vialte kha Bawipa sin ah thlacam in chan zungzal hna. Na thluachuah ah an icang lai. Hmailei na lam tluang lai i na tuahmi kip ah khuaawng na tong lai.Crd-James Vanneilian

Be the first to comment

Leave a Reply

Your email address will not be published.


*