Thailand Ah Myanmar Rammi 15 Cu Thailand Nawlngeitu Hna Nih An Tlaih Hna

Kawthaung in Thailand ram Yanaung pengkomh ah a lutmi Myanmar rammi 11 le ngakchiak 1 telh in visa a dih cangmi Myanmar rammi 4 cu December 20 ah tlaih an tong, tiah No. 25 Thailand ralkap hna nih cathanh an chuah.

Kawthaung in Yanaung pengkomh ah tilawng in Myanmar rammi an luhnak kong cu Thailand nawlngeitu hna nih an theih caah checkhlatnak an va tuah, tiah theih a si.

Checkhlatnak kan tuah lioah cycle pakhat le motor pakhat cu an zam i Duyin dum chung inn pakhat ah an dir. Motor khaltu pa cu a zam i kum 21 in kum 41 karlak Myanmar rammi oa 8 le nu 3 a tlik tak hna, tiah an langhter.

Myanmar rammi hna cu Yangon in Kawthaung ah an kal i tilawng in ramri cu an tan hnuah Pickup motor in an kal. Khualtlawn kalnak man ah minung pakhat ah Baht 25,000 an dih, tiah theih a si.

December 20 áš­hianáš­hiam ah Karaburi-Chongphon bus a aihre mi cubgah visa a dih cangmi Myanmar rammi 4 zong Thailand nawlngeitu hna nih an tlaih chap hna, tiah theih a si.

Tlaih a tongmi Myanmar rammi 15 le a bawmchantu hna cu upadi ning in dantat dingah Karaburi palik sakhan ah an kuat hna, tiah theih a si.The Chin Post

Be the first to comment

Leave a Reply

Your email address will not be published.


*