Thai ah cun an muidawh nu prime minister Yingluck te party kha ei-hmuar le ziknawh an rak ram tuk deuh i 2014 ahkhan ralbawi zik Prayut Chan-o-cha nih uknak a rak chuh hna.
Mino pawl nih heh an rak idoh leen nain an ti kho lo. Chan-o-cha cu party a nei lo. Ramkhel party amah tein a dirh lo.
March 2019 ahkhan rampi thimnak an tuah i ralkap uar party pawl nih Chan-o-cha cu PM caah an thim. Democratic lei zong nih an cohlan ngai ko, ti si.
Thai ah cun, civil cozah nakin ralkap cozah tu khi an dingfel deuh tawn, ti si. May 2023 ahkhin, an caan aa liim i thimnak an tuah ṭhan lai.
August 1, 2023 ah Kawlram ah thimnak tuah dingin an timh, ti si ve. Official ngai cun an thanh rih lo.
Thimnak ah a lut dingmi party pawl caah phung an thanh cang. Cahmai 20 aa telmi cu an phung ning in cun:
Cozah a ser kho dingmi party cu USDP lawng a si. NLD le SNLD nih thimnak ah kan itel lai lo, an ti.
Ko Ko Gyi te party nih zeiti hmanh in cozah ser kho ding level tiang a phan kho ding an si lo.
Ram pumpi chung i aa cuh ve dingmi party nihcun party register an ituah ni thawk in thla thum chungah party member a tlawm bik sing khat an ingeih lai. Cozah bank ah deposit Ks million 100 an chiah lai, ti si. Register an ituah hnu thla 6 chungah Kawlram township 330 lak i zatceo tal ah cun zung an on khawh lai, ti si fawn.
Rampi cozah ser a duhtu Union level party caah cun USDP dah ti lo a ti kho ding an um lo. Tikah, cozah cu USDP nih an ser tengteng telai ti khi aa fiang cia.
Phun dang in chim ahcun, “USDP thimnak kan tuah lai” ti he aa lo. NLD lam nihcun cu an phung cu kan cohlang lo, tiah an thanh.
Ramkulh le ramṭhen party pawl belte caah za a long ngai. Ramkulh le ramṭhen ah cun an duh paoh khin tlong ko hna sehlaw, an luthlur in kan suum khawh thotho hna ti in tuak hna sehlaw a dawh.
Township pathum tal ahcun zung an on khawh ve lai, MP pakhat caah deposit sing 100 ti le icuh taktak tikah cun township pakhat ca telawng i aa cuh zongah poi lo, an kan ti piak.
USDP nih teinak an hmuh lai i Min Aung Hlaing kha President ah altu vote pakhat hmanh um loin thim te ding phun khin an suai.
An thimnak upadi zoh a chait tuk tikah, thimfung thlatu milu lam cu an tlawm taktak te lai. A buai urh-ii hoi tuk te ko lai dah!Union level party ca i an phung cheukhat:
(၁) နိုင်ငံအနှံ့ ယှဉ်ပြိုင်ရမည့် ပါတီများ တွင် မှတ်ပုံတင်သည့် နေ့မှစ၍ သုံးလ အတွင်း ပါတီဝင် အင်အား အနည်းဆုံး တသိန်း ရှိရမည်၊ စပေါ်ငွေ ကျပ် သန်း ၁၀၀ ကို အစိုးရ ဘဏ်သို့ အပ်နှံထားရမည်။
(၂) လက်ရှိ နိုင်ငံရေး ပါတီများ သည် နှစ်လ အတွင်း ပြန်လည် မှတ်ပုံတင်ရန် ပျက်ကွက်ပါက အလိုအလျှောက် ပါတီ အဖြစ်မှ ပယ်ဖျက်ပြီး ဖြစ်မည်။
(၃) နိုင်ငံအနှံ့ ယှဉ်ပြိုင်မည့် နိုင်ငံရေး ပါတီများ သည် မှတ်ပုံတင်ပြီး ၆ လ အတွင်း မြို့နယ်ပေါင်း ၃၃၀ တွင် တဝက် ကျော် ၌ ရုံးခန်း များ ဖွင့်ထားပြီး ဖြစ်ရမည်။
(၄) မည်သည့် ပါတီ မဆို မဲဆန္ဒနယ်မြေ စုစုပေါင်း ထက်ဝက် ကို ယှဉ်ပြိုင်ရန် ပျက်ကွက်ခဲ့လျှင် (သို့မဟုတ်) ကြားဖြတ် ရွေးကောက်ပွဲ အား မယှဉ်ပြိုင်ခဲ့လျှင် ကော်မရှင်မှ ဖျက်သိမ်းပစ်ခွင့် ရှိသည်။Crd.Salai C Alexander
Leave a Reply