Tedim Peng Ah Motor Cangsual, Minung 2 An Nunnak Liam

Chin ramkulh, Tedim peng Kyeinpikwat(ကျိန်းပီးကွတ်) khua luhnak ah January 4, zaan suimilam 8:00 hrawng ah motor a cangsual i Kyeinpikwat(ကျိန်းပီးကွတ်) khua mi 2 an nunnak a liam tiah theih a si.

Nunnak liammi hna hi fa 5 ngei hringtu Pu Hauh Khan Mang le Pu Thang Lam Khual hna an si

An i citmi motor cu break a ṭhat lo caah a tubantuk in motor cansualnak a chuahnak a si, pakhat cu a ṭhutnak in a zuan caah hmakhat te ah a nunnak a liam, a dang pakhat cu suimilam 2 tluk a rauh hnu ah a nunnak a liam ve tiah theih asi.The Chin Post

Hal U Law Nan Hmuh Lai
Nai hrawng cu ka Computer a rawh a tam ngaingai. Kan rianṭuan hawi a si mi Computer lei a thiammi a um i amah cu ka auh i a ka zohpiak a ka remh piak lengmang. Cun amah nih, “Na herh tik paoh ah rak ka au, hmaikhahlo in ka um hlah,”a ka ti. Cucaah ka Computer atlamtlin lo caan paoh ka auh i a rak ka bawmh peng caah ka bochan a ka bawmh lai ti zong ka zumh i a cung zongah kaa lawm. Kan Pa Pathian nih nan ka auh ahcun kan leh hna lai tiah bia a kan kamh. Kan harsatnak hi Amah Pathian chim hna u sih law kan thilrit vialte a kehram ah ṭhum hna usih. Kan chimmi kaa khat hmanh hrelh lo in a kan ngaihpiaktu a si. Kan herhnak zawn cio ah a kan bawm khotu a si.

Bawipa cu thangṭhat tuah u; bawmh hal in ka aunak kha a theih cang! Bawipa nih a ka huh i a ka phenh; amah cu kaa bochan ko. A ka bawmh i kaa lawm, cucaah amah thangṭhatnak hla ka sa(Ps. 28:6-7).Mah Azi

Be the first to comment

Leave a Reply

Your email address will not be published.


*