Tamu Peng Ah Chinmi Pa Pakhat Cu SAC Ralkap Le Pyusawhti Nih An Tlaih!

Tamu Peng Ah Chinmi Pa Pakhat Cu SAC Ralkap Le Pyusawhti Nih An Tlaih!

Tamu peng chaklei um Tanan khuami Thang Khan Suan (kum 22) cu Tamu khua in an khua lei a kir lio, an khua luh lai ah SAC ralkap le Pyusawhti nih nizan August 15 chun sml 12:00 hrawng ah an tlaih, tiah theih a si.

Thang Khan Suan cu Tamu ah thing ahnak seh cawk ah a kal i, a kir lei ah SAC ralkap le Pyusawhti nih cun an tlaih i, Myothit sakhan ah an kalpi.

A chungkhar nih atu tiang an tong kho rih lo. Thang Khan Suan cu thing ah le zungthiam, inn sak ti bantuk in a chungkhar a cawmmi a si i, a unau lak ah amah hi upa bik a si, tiah theih a si.

Tanan khua cu Tamu in meng 30 hrawng a hlat i, SAC ralkap, Pyudawhti, Shan tapung le Kate tapung an tamnak hmun a si.The Chin Post

Lenglang in Mi Mawhchiat Hlah
Voikhat ah ngakchianu te cu an mileng nih apple pumhnih a pek, alak pah in aa lawm, a ti. Cun mileng cu a ṭin dih hnu ah ngakchia nih cun apple cu a kehlei kut i kha a tlawh, cun a orhlei kut i cu a tlawh ṭhan.

Culio ah a nu nih na hak a kau tiah a bengh. Ngakchia nu nih a kehlei kut i apple cu a nu cu a pek. Cun a chimmi cu, “Ka nu, apple hi zeibantuk dah a tlum deuh hnga ti hngalh ka duh caah a si, a tu kan pek mi hi a thlum deuh nangmah nih ei,” a ti.

Caantampi ah mi kan mawhchiat hna hi a dik lomi a si theu. An sining diktak kan ngal kho lo, an i timhmi zong kan hngal kho lo. Crd.Jesuh nih cun, “Lenglei zoh lawngin biakhiak hlah ngat u, dingte tu in ta bia cu nan khiah,” tiah a ti hna( John 7:24).Crd-Mah Azi

Be the first to comment

Leave a Reply

Your email address will not be published.


*