Spain Siangpahraang fanu Leonor Nih Gavi Minthut Mi Angki Ngah Ding In A Pa A Hoh

Sikpar[November] 29, 2022_CCN Channel Spain Siangpahraang fanu Leonor nih Gavi minthut aa tel mi angki ngah ding in a pa a hoh caah Spain Siangpahrang Felipe cu 2022 FIFA World Cup tuahnak hmun Qatar khualipi Doha tiang a kal i Spain football team pawl an thilthlennak inndal ah kal in Gavi minthut mi angki cu a va hal tiah theih a si.

Spain le Barcelona ah a lai(ကွင်းလယ်) in aa celhmi Gavi cu pumpululh chuih a thiam lawng siloin a mui zong aa dawh caah nungak tampi nih an uar ngaimi a si. A uartu chung ah Spain Siangpahrang fanu(princess) Leonor zong hi aa tel ve.Crd-CCN

Vawlei Cung Ah A Nganbik Mei Tlang A PuakPacific ocean chung ah ummi vawlei cung ah a nganbik meitlang cu zarhpini ah khan a puak tiah theih a si.

1984 in kum 40 a rauh hnu ah a voikhatnak a puah si tiah theih a si i awlei cung meitlang vialte lak ah a nganbik Mauna Loa meitlang cu Pacific ocean Hawaii tikulh cung ah a ummi a si.

Meitlang a puah ruang ah zaan ah van lei cu meikang bantuk in an sen i, meitlang puahnak ruang ah a luangmi lungti a lin ngaingaimi cu tikulh chungah cun an luang tiah theih a si.

Nihnih ni tiang ah cun inn le minung umnak sangchung tiang cu tihnung dirhmun a si lo caah, mi bawmchantu phu lei zong nih mah umnak cio in hmundang i thialding ah nawlchuahnak cathanh chuahmi a um rihlo tiah theih a si.The Chin post