Siangpahrang nih uknak chan lioah Kawl nih Thai hi Ral an rak tei lengmang hna caah Thai nih kawl an huat tuk. A hnu ah ramkhel sining a hun ithleng hna i Thai cu mithmuh chung ah kawl nak in let tampi in a hung thangcho.
Thancho tampi lak ah ka hngar bik mi hna cu Sianginn thatha an ngeih khawh hi a si. Kawl thilthuam pawl kong hi Thai nih research tha te in an tuah an tial i an ifim. Kawlram mi tampi Thairam ah Sianginn an kai i research le Thesis tampi an tuah i mah vialte kha Thai Sianginn ta ah aa cang. Ca lawng in an ifim lo kawl hlan thilthuam a phunphun zong kha pu le la in an chuah than i hmabthlak dawhdawh in an ithlak.
Hihnu kum 20 – 50 ah cun tuanbia tial kho mi i an thil ah aa cang kho. Kawl cu uknak thatlonak tang ah a si, thil chuah tu hna zong an ifuntom kho hna lo i Thai lei le tuluk lei i printing thil pawl nih market ah a lan tuk ve hna. Mah printing sample cu kawl sin thiamthiam in an hmuh an ngah mi a si.
Pi Suh nih kawl thil aahruk hnu in kawl thil biatak in a hun lar than i SME le Kawl thiamtak tu caah market biatak in a hun kau than. A sinain MAL nih a hrawh dih than hawi. Kan pawngkam ah icawn ding izohchunh ding thil tampi a um.
Miphundang he rian kan ttuan tti tik hna ah zeibantuk ruahnak, intention a ngei mi an si ti kha hlathlai in riabtuantti ah a tha bik. Mah lo cun kan miphun kan mah te in kan rak itheih lo kar ah kan rawi khawh mi a si.
Kan laitlang zong ah INGO tampi an rak lut. Thiaminn ah an ra. Bia a phunphun an ka hal. Rangon an zung zong ah an ka sawm. Kawlram lut mi INGO kutzungthiam he aa pehtli mi an zapi te ngawt he ka rak ichimchon bal.
A sinain rian kan ttuan tti kho hna lo. Ziah tiah cun an mah miaknak caah hman a kan duh tiah ka ruah caah a si. Ka lungkhong ka ti ko uh. Kan mah te in kan ituah khawh mi a tampi. Bawmh kan herhnak zong a tampi ve, asinain a ho sin in zeibantuk sin in dah bawmh kan hal lai ti kha ruah thiam ngai a hau.Crd-Anna Biak Tha Mawi
Leave a Reply