Shan Ramkulh,Hseni Ah MNDAA Le SAC Ralkap Kar Kahdohnak A Chuak I SAC Ralkap Lei 30 Leng An Thi,Pale Ah Election Ca Min Cazin A La Mi Phu Cu An Kah Hna

Shan Ramkulh,Hseni Ah MNDAA Le SAC Ralkap Kar Kahdohnak A Chuak I SAC Ralkap Lei 30 Leng An Thi,Pale Ah Election Ca Min Cazin A La Mi Phu Cu An Kah Hna

January 16,2023 Shan ramkulh, Hseni ah SAC ralkap le MNDAA kar January 13 ah kahdohnak a chuak i SAC ralkap lei 30 leng an thi tiah The Kokang nih cathanh an chuah.

January 13 kahdohnak ah a thi mi SAC ralkap ruak cu January 14 zing sml 1 ah thok in ambulance le ralkap mawtaw pawl hmang in an thiar hna.Cu kahdohnak chung ah MNDDA lei in ralkap 1 a nunnak a liam i 4 hliam an hmu tiah theih a si.

January 14 chun sml 11:34 ah SAC ralkap le MNDDA kar kahdohnak a chuak than.Cu kahdohnak cu sml 1:30 a rau i SAC ralkap lei a hliam mi a zat theih a si rih lo i MNDAA lei an him tiah cathanh an chuahnak in theih a si.

Cun Sagaing ramthen,Pale peng ah SAC ralkap le palik pawl he election caah min cazin a la mi phu cu hriamhme in an kah hna tiah ဒေါင်းနက်-နယ်စည်းမ ခြား guerrilla phu sinin theih a si.

Nizaan January 15 zing sml 8:39 hrawng ah Pale peng,Myo Oo sang i bank pawng ah mipi 6 le SAC ralkap/palik pawl cu phungning lo in election caah min cazin an lak lio ah hriamhme in an kah hna tiah theih a si.

Cu kahnak cu Yinmarbin peng battalion-10 ဒေါင်းနက်-နယ်စည်းမခြား guerrilla phu nih an kah mi a si i kaphnih kahdohnak 10mins hrawng a rau.SAC ralkap lei ral bawmtu an rat caah hnu an kir than tiah ဒေါင်းနက်-နယ်စည်းမခြား guerrilla phu sinin theih a si.(Crd.Khit Thit Media) CBN

Be the first to comment

Leave a Reply

Your email address will not be published.


*