Sertu Ka Pa Pathian nih vision a ka hmuhtermi le bia ka ruahmi a tlinnak tehte!

Sertu Ka Pa Pathian nih vision a ka hmuhtermi le bia ka ruahmi a tlinnak tehte!

Avoikhatnak ni (40) rawlulh (2020, May-June) kum ahhin Bawipa nih ka pum a hman lioah “ka hmaika ah TV ipiah bantukin vision” a ka hmuhter. Cucu middle East minung nunphung, minung le an khuaram asi. Nain a ruah awk fiangtein ka hngal lo.

Zeitindah Covid lio ahcun Middle East cu ka kal khawh hnga ka rak ti. U.S in ram dang kalnak lam an phih dih fawn.

Ruah lo piin kan Sianginn nih Turkey le Israel le Jordan kalnak lam (2021) August ahkhan register tuah ding in lam an on i 2022 March ah Turkey le May ah Israel le Jordan kal ding in an timhtuah asi.

Ka hmuh cangka bakin ka thinlung mei bantukin a kaang i hihi Bawipa nih vision ah a ka pekmi asi kha ka zumh. Asinain rian ka ṭuanlo i $12,000 leng a dih ding asi i khoika dah phaisa ka lak lai ka ti.

Asinain Bawipa pekmi vision asi caah “Ka Pa nih a khaang ko lai” tiah zumh ngamnak in min ka pek. Nain ka bank ah $100 hrawng a um.

Phaisa hi December thla (2021) dongh ah pek dingmi deadline asi. Cucaah ni (5) rawl ka ulh ṭhan i cu lioah ka Pa Pathian nih a ka chawnh i “na thinphanh hlah na keza nih lamh dingin vision kan hmuhtermi asi i keimah nih na herhmi cu kan khaan piak lai” tiah ati.

Caan hmantein phaisa a herhmi cu Ka Pa nih a ka pek i, Ka Pa Pathian dawtnak le vel thawngin 2022 March ah Paul missionary a ṭuannak Turkey ka kal i, May ah ka Bawipa Jesuh Khrih rianṭuannak Israel le Jordan ka phan.

Vision in a ka hmuhter hmasa i, a hnu ah a ka chawnh i ka Pa nih ka herhmi dollars vialte a khaan dih ko e. Keimah cu a mah kut ah hnangamtein kai din.

Bawipa nih sunparnak co ko seh! Cutlukin Ka Pa nih a ka dawt! Zumh ko na nung lai! Zumh ko Bawipa sunparnak na cungah a lang lai. Zumh ko zeitikhmanh ah an deuh lai lo.

Thiang Thlarau cu vawlei ser hlan in rianṭuan zungzal i nihin ni tiang rianṭuanmi asi i hmailei zongah rianṭuan zungzal lai. A nungmi (person) asi.Crd.Jamse Vannei Lian