Saram zohkhenhtu ( Zoologist) le Ahawi pakhat cu ramlak ah an kal,

Saram zohkhenhtu ( Zoologist) le Ahawi pakhat cu ramlak ah an kal, Lampi an kal lio ah ramlak mei kaang nih Rulpi( Snake) akangh cuahmah kha an hmuh. Rulpi nun nak an khamh lo ahcun athi ding asi cang. Saram zohkhenhtu nih cun leklak tiah rulpi nunnak khamh ding ah azuan hnawh colh.

Rulpi cu akut in avun atlaih i meiphu in chuah avun timh ah Rulpi nih cun akut ah acuk , athi achuak i afah caah Rulpi cu meiphu lak ah athlak than, akhamh kho lo. Saram zohkhenhtu nihcun lungdong loin khamh khawh nak lam akawl tthan i, thing hreu pa 2 ava kawl, Rulpi cu aceh i, meiphu leng ah achuah, akhamh khawh.

Saram zohkhenhtu ahawipa nih cun ” Mah tluk thi chuak cikcek in an cuk mi cu har le fe in, zei ruang ah dah khamh na timh peng rih, thi lawlaw ko ngat seh tiah avun ti. Saram zohkhenhtu pa nih aleh mi cu ” Rulpi nih atuah tawnmi Kokek sining ziaza cu “CUK ” asi. Rulpi kokek sining ziaza cu aa thleng kho ding asi lo, Rulpi nih aka cuk ruang ah ka lungput le ruahnak ka thlen awk si lo. Ka ngol awk si hlei lo, Rulpi nih aka cuk khawhlo nak ding in, keimah tu hi kaa ralrin ding asi deuh ee tiah ahawi pa cu aleh….

Rulpi sining bantuk in, minung kokek sining zong hi midang fahnak pek ahmang mi lawng te kan si, Mi ttha lo hna nih kan cung ah lungfahnak/ thin hunnak an tuah ruang ah midang huat- lehrulh le kaltak thinlung kan ngeih ve awk si lo. Kan mah tu kha , mithalo hna cung ah kan i ralrin aherh deuh timi akan cawn piak mi asi.Crd.Ral Eng Khenglawt