Salai Ltt cu miphun ralkap caah phaisa a thawh bal tung lo’ timi kong ah

Aanaa ting hlan le CNA ralkap an thih hlan vialte cu kum khat ah CC nih $150 thawh ding an timi hmanh kha a thawh siang lomi nan rak tam tuk dakaw, CNA caah $1,000 cung a thawh timi pakhat tal zong ka rak in thei bal hna lo.

Kei cu 2017 kum ah CNA chungkhar hna caah $2,500 ka rak thawh. Mah lio hi kum 26 lawng ka si rih. 2018 hlan ah CNA caah keimah thawhmi zat a thawhtu pazeizat nan si hnga? Pa 10 nan tling hnga ma? A dang chim awk tha lomi private bawmhnak ka pekmi zong a um len. Ral an tuk hlan le daihnak an ser lio cu phaisa thawh kha kan caah tih a nung lo, tlaih a um lo.

Tutan raltuknak ca belte cu fangkhat hmanh ka thawh bak lo. Kan mino pawl thihnak hmun ah a kaltertu raltuknak caah phaisa thawh khi indirect lainawng tluk a si tiah ka ruah i ka thlingza. Thihnak hmun an kal lonak hnga tu ah ka thlauh hna, nain phaisa thotu hna nih cun thihnak hmun ralram kal ding thazaang nan pek hna, nan zumh ning ai dan ve ruang ah a si ve ko.

Luatnak hmuh cu kan duh dih. Raltuknak nih teh luatnak maw a chuahpi lai or temtuar chin nak dah? timi zawn belte ah hin kan ruahnak ai dan cio hi a si. Nain, kan dihlak in miphun kan dawt cio ko timi hi i fian a herh ngaingai.Salai Lungthli Tum

Be the first to comment

Leave a Reply

Your email address will not be published.


*