Salai Ceu Bik Thawng (tulio Lungthlitum thah ding tiah a aupi biktu lainawng thiam pasaltha), Pu Zo Zam le Pu No Than Kap te pawl cawlcangh hram an thawk.

Ralkap nih thimnak an tuah than cang lai timi thawngpang a vun fiang. Thimnak tuah ciami a um ko, tuah nolh a hau ti lo, cozah sernak nawl tu kan pe ko seh, ralkap tuahmi poah lih asi i itel bak lo ding tiah an au cio.

Nain, Yangon ah cun Salai Ceu Bik Thawng (tulio Lungthlitum thah ding tiah a aupi biktu lainawng thiam pasaltha), Pu Zo Zam le Pu No Than Kap te pawl cawlcangh hram an thawk. Suu Kyi phu an i tel lai lo caah USDP cu fawi tein kan tei lai tiah an rak zumh. Arpi(NLD le a hawikom) an tah lio ah sahngar pawl (Salai CBT phu) an rak i lawm, caan tha ah an rak i lak. Cuticun ralkap tuahmi 2010 election ah an rak i tel ve i thimnak ni taktak ah cun mipi lungthin zong ah cepa thim nak cha cun langak tal thim a tha deuh ko timi zumhnak a rak um caah Lairam chung ah Lai party hna nih USDP an rak tei khawh, Saya Robin zong nih Dr Hmuh Thang bak thal lak a rak tengh khawh kha a si.

Mah lio hi Facebook a lar rih lo. Lai Forum timi biaruahnak email group khi ram kip Laimi vialte caah Dr. Ngun Cung Lian nih a rak kan tuah piak. CNF upa telh in Laimi kan pale tam deuh nih ‘2008 phunghrampi’ kan duh lo caah ralkap tuahmi 2010 thimnak ah luh bak lo ding, ralkap chiahmi ‘rap/trap’ ah i foih lo ding tiah fak piin an rak aupi, nain Salai Van Lian Thang nih ‘thimnak luh a tha deuh’ tiah a rak al ve hna. Kum 3 hrawng a vun rau hnu 2012 hrawng ah cun Salai VLT a bia ‘a hman’ tiin an vun i hrawm dih than ve.

2012 ah cun Suu Kyi phu zong nih ‘nuar ah hin kanmah lehlam kan pawtam ko hi teh’ timi an vun pemh ve i an fih bikmi 2008 Constitution cohlang in ralkap tuahmi thimnak ah cun an lut ve.

Tutan MAH tuah ding election zong hi zeidah a lawh te hnga? Tuanbia maw ai nolh te lai? Tuanbia thar dah? Pathian nih kan ram caah a tha bik khua khang hram ko seh.Crd.Salai Lungthli Tum

Be the first to comment

Leave a Reply

Your email address will not be published.


*