SAC Ralkap Nih Myohla Khuami 50 An Tlaih Hna Leng Ah An Khua Chuahtak Ding In An Hro Hna

SAC Ralkap Nih Myohla Khuami 50 An Tlaih Hna Leng Ah An Khua Chuahtak Ding In An Hro Hna

Sagaing ramṭhen, Shwebo peng Myohla khuami cu SAC ralkap nih nan khua nan chuahtak lo ahcun kan khangh dih lai tiin an hrocer hna leng ah khuami 50 hrawng an tlaih hna, tiah theih a si.

PDF bantukin aa umter mi pyusawhti cu, February 5 zinglei ah leilawng (motor) 2 in Myohla khua ah an lut i khuami cu an va hrocer hna pin ah 50 hrawng an tlaih hna, tiah Shwebo PDF in ralkap pakhat nih a chim.

“Khuami cu an thiltom he ralhrial in an zaam dih cang hna. Tlaih a tongmi hna zong khoika hmun ah dah an kalpi hna ti zong kan thei kho lo,” tiah a chim chap.

Cu ni ṭhiamṭhiam ah PDF ralkap pakhat cu pyusawhti nih an thah. Myohla khua ah pyusawhti an um ti lo nain khuachung ah khuami cu um ngam loin an zaam dih hna, tiah theih a si.The Chin Post

Thanwgpang Dang.Tawpu Khua Pyusawhti Sakhan Kah An Ton Caah Pathum An Thi.Sagaing ramṭhen, Monywa peng pyusawhti sakhan um Tawpu khua cu, hriamngan in kan kah caah pyusawhti 3 an thi, tiah Special Force-11 (PDF) in ṭuanvo ngeitu nih a chim.

February 3 zan sml 9:00 hrawngah SAC ralkap le pyusawhti sakhan an chiahnak Tawpu khua cu hriamngan in kan kah caah pyusawhti 3 a hmun ah an thi, hliamhma pumi zong an tam, tiah Special Force-11 (PDF) in ṭuanvo ngeitu nih cun a chim.

SAC ralkap lei nih hriamngan in an kah ve ko hna nain PDF lei a thimi le aa hliammi um loin hnu an kir, tiah theih a si.

Cu kahdohnak Special Force-11 (PDF) le Monywa Dynamite- Special Task Force၊ Special Guerrilla Force (SGF) Monywa၊Aung San Force Battalion 5, BLack Wolf Defense Force Monywa hna i bawm in an kah hna, tiah theih a si.

February 1 zan zong ah pyusawhti nih 60mm in an kah caah Tawpu khuami kum 88 pitar pakhat cu hriamngan kuan pelpawi nih a khen caah hliamhma a pu, tiah theih a si.