SAC Ralhrang KuttangTuan Pilot (4) an Zaam .

August 18 Ayerawady khuapi Pathein myo i aum mi SAC လေတပ်အခြေစိုက်စခန်း chung in rengngei (1) relchih in ralhrang (4) an zaam tiah theih a si.

Pathein လေတပ် in august thla thlathar i azaam mi Pilot (4) hna he pehtlai in Nyepyidaw hrambunh (ကကလေ) nih ankawl hna nain a tutiang an tlaikho rih hna lo tiah anmah ralhrang hna he ai naih niam mi nih an chim.

Hi azaam mi (4) hna hi ramchungmi si nak card hna cu a up mi ansi caah ralhrang hna nih khualu in hmatpung tin check nak cu Biatak thlak in an tuah tiah theih a si.LKZ News

Tlintertu Ve Ve Kan Si!1Korin 11:11,12 Bawipa chung i kan nunningtu ahhin cun, nu hi pa caah a herh bantuk in pa zong nu caah a herh ve. Nu cu pachung in ser a si bantuk in pa zong nu chung in a chuakmi a si ve; zeizong vialte hram cu Pathian a si.

Paul ca kuat rel tik ah anmah chan lio ah nu an hmuh hna ning tampi a langhter. Biakinn chung ah dai tein um ding. Cawnpiak tu si lo ding. A va tang ah i dor ding. Biakinn ah thla a cam tik ah lu i khuh ding. Sam i meh lo ding, ti bantuk hi an ruah mi chung ah nu nih an tuah tikah ningzak a si, nu cu pa bawmtu le pa caah sermi a si ti bantuk ruahnak tampi a chim.

Tuzing kan relmi ahhin mahbantuk dengmang a chim lengmang mi chung ah “Bawipa chung i nunning ah nu le pa hi ai bawmchan ding, pa zong nu caah a herh. Nu zong pa caah a herh. Pathian sermi an si ti kha a chimmi a si. Bawipa phung, Bawipa cawnpiak mi zul in Khrihfa buchung ah cun nu le pa thleidannak a um ti lo.

Pa hi nu chung in achuakmi a si. Sernak tuanbia ah cun nu tu hi pa chung in a chaukmi a si. Pa hnakruh in nu cu ser a si (Gen. 2:21). Vawlei cung ah sernak tuanbia a dongh hnu in Pathian nih sernak le thil ummi a pehnak ding caah minu le mipa hmun khat ah um ti ding thluachuah a pek. Tefa tampi ngeih ding thluachuah a pek. Vawlei zoh khenh ding rian a pek hna. Thleidannak a um ti lo. Pathian tinhmi hrimhrim ah pakhat le pakhat ai bawmding le sining ai hrawmding a si.

Bawipa chung i kan nunning ding hi langhter a si. Nu le pa thleidannak a um ti lo. Kut pakhat lawng in lung lawmhnak zapei bengh khawh a si lo. Pa lawng in um ahcun Pathian timhpiakmi karh u ti kha a tling kho lo. Nu lawng in um zong ah a tling kho hlei lo. A tling mi hi zakhat (100) a si ahcun, 50/50 ve ve kan si ko lai. Bawipa chung nunning hi duh a nung tuk.

Zeizong vialte hram cu Pathian a si. Pathain in zeizong te ai thok ti cu Khrihfa kan zumhnak a si. Nu zong pa zong Pathian in ai thawk mi kan si. Pathain hna tlaknak tello in vawlei cung ah a cang mi zei hmanh a um lo ti hi Khrihfa kan zumhnak a si peng ko.

BAWIPA phung cu a tthat a tling, nunnak thar petu a si. BAWIPA nawlbia cu bochan awk a tlak,fimnak baumi fimnak petu a si. Bawipa chung i kan nunning ding hi Paul nih fiangte in a kan chimhmi a si. Pakaht le pakhat uaptnak he sining dihlak i hrawm a si.Bil Hmung

Be the first to comment

Leave a Reply

Your email address will not be published.


*