SAC Ralhrang doh nak ah 60 MM le 81 MM bomb a phorkho mi Drone serchuah thawk a si cang.

SAC Ralhrang doh nak ah 60 MM le 81 MM bomb a phorkho mi Drone serchuah thawk a si cang.

September 1 SAC Ralhrang Drone in a do tawn tu hna Federal Wings nih Multi Rotor le VTOL Drone phun hna cu ser anthawk cang nak theih a si.

Multi Rotor Drone hi an ii tinh mi hmun cu dengteu te in vakahkhawh nak hmualngei in 60 MM bomb thei le 81 MM bomb hna cu a phorhkhawh lai tiah theih a si.

Drone hna ah cun Auto Pilot thiamnak in tuah a si i SAC Ralhrang hna i Jammer hna cun venhim nak ngeih cia a si tiah Fedderal Wings nih cun an chim.

Hi Multi Rotor phun serchuah mi hi cu kahdoh nak ah hman a si cang i khuaram munhnih hmunthum tiang ai hlat nak ah a kalkho mi VTOL cu ser chuah hlawh tling a si cang i an bunh cuahmah lio pi a si nak theih chih a si.

Federal Wings i Drone hna cu ralser nak hmunhma kip ah chiahkhawh dih ding in le tu dirhmun i chiah cia mi Drone ralser nak caah hmanding theipar tlam tling i sihkhah khawh nak lai ruahchan nak he mipi bawmh nak in Fundraising Program cu kan tuah lai tiah an chim.

Fundraising Program cu campaign phun in kalpi lo in duhsah in kalpi a si lai i hi he pehtlai in a dihding mi phaisa hi Dollar sing(20) adih lai tiah an tuak nak theih a si i, a tu an awt mi Federal Wings i Fundraising Program cuNUG wankyi chok Man Win Khaing Tan le Pehtlaih nak le Thawng zamnak lei Nipinngia Wankyi thanah(MOCIT) nih thit hruai nak in an tuah mi a si tiah theih chih a si.

Bawmchanh nak i ai tel duhmi mipi hna nih Federal Wings facebook ca hmai le Federal Wings website in bawmhchanh khawh an si nak theih a si. Crd-LKZ News