SAC Nih Thimnak Tuahtimhmi Ah Bawmchantu Nan Um Ahcun Dat Kan In Tat Hna Lai — CDF Matupi

SAC Nih Thimnak Tuahtimhmi Ah Bawmchantu Nan Um Ahcun Dat Kan In Tat Hna Lai — CDF Matupi

Hramhram uknak caan saupi fehter khawh nakding ah SAC nih lih le hrokhrol in thimnak a tuah lai dingmi ah bu in siseh pumpah in siseh teltumnak a ngeimi paoh le SAC a bawmchantu paoh cu dan kan in tat hna lai, tiah CDF Matupi nih cathanh an chuah.

Min Aung Hlaing nih a hruaimi ralhrang SAC phu nih anmah nawlngeihnak caan saupi hmuh an duh rih ruangah le phung lut lo ralhrang cozah si an duh caah thimnak tuah an i timhnak a si, tiah an langhter.

Cubantuk thimnak cu CDF Matupi nih kan cohlan hrimhrim lo caah mizapi zong, cu thimnak ah i tel ve lo dingin CDF Matupi nih ralrin an pek hna, tiah theih a si.

Ramchung hriamtlai PDF hna le tlangcung hriamtlai hna zong nih lih le hrokhrol le a deu in thimnak tuah timhmi ah mizapi hna i tel lo dingin ralrin an pek hna i, cu thimnak ah teltumnak a ngeimi le SAC a bawmchantu cu a fak bikmi dantatnak pek an si lai, tiah cathanh an chuah.The Chin Post