SAC nih an thlaimi hna Director Maih Ti, hlasakthima Po Po le Vloger Win Min Tan hna cu an luat cang

SAC nih an thlaimi hna Director Maih Ti, hlasakthima Po Po le Vloger Win Min Tan hna cu an luat cang

SAC ralkap nih phungning loin an tlaihmi hna Director Maih Ti [မိုက်တီး] , hlasakthima Po Po[ပိုပို] le Vloger Win Min[ဝင်းမင်းသန်း] hna cu SAC nih an thlah cang hna tiah theih a si .

An mah hna he a neih niam mi an hawi le nih social media ah an tial len zong hmuh khawh a si.

SAC nih an hmanmi Telegram page zong ah thongthlak ding in an khiah piak mi hna ni a tlin hlan ah an thlah hna tiah an tial ve fawn.

An tlaihmi hna 3 hi SAC duhlonak langhter nak ah an I tel ve ruang ah an tlaih ve mi hna hi an si , cheukhat media hna nih an 3 in pehtlaihnak an I zuam hna zong theih a si fawn.Subscribe Myanmar

Thonginn cakuatnak le thilkuatnak cu nikhatni ah an awn than laiLCBN : October 28 , 2022 Yangon ramthen , Inn Sein thonginn thilkuat le cakuatnak cu a ralaimi October 31 ah an awn than cang lai tiah theih a si .

Nikhatni ah an awn te lai ti cu a si ko nain fehter a si lai maw si lai lo cu kan I ceih lio pi a si tiah Biaceihzung riantuan sihni pakhat nih a chim.Innsein thonginn cu bomb puahnak a chuah hnu in thil kuat an phihnak hi ni 10 hrawng a si cang .

Mah hi an khar ruang ah hin biaceihpiak ding thongtla cheukhat hna zong an ngol chung tiah theih a si fawn.

“Kan nih cu fiang in kan theih kho rih , Sihni nih a chimmi lawng kan theih I zeidah a lawh te lai cu hmaizarh hrawng in cu a fiang te ko tiah chungkhar pakhat nih an chim .

October 19 zing lei ah bomb puah nak cu a rak chuak I culioah SAC ralkap nih meithal an puah len ve theih a si , mah lio ah cun thonginn riantuan minung 3 le rawl a chan mi ngakchia telh in minung 5 an rak thi .

A thimi hna sac ralkap meithal kah mi ruang ah a si tiah an ti nain ralkap nih cun an al ve tiah theih a si .

Bomb puahnak a chuah hnu hi peng dang thonginn cheukhat hna zong nih rawl chan le thil channak an phih ve cio hna tiah theih a si.SubscribeInnsein

Be the first to comment

Leave a Reply

Your email address will not be published.


*