Russia cu UN Human Rights Council Chungtel Sinak in Hnon asi lai

Draft Resolution A/ES-11/L. Nihin 4/7/2022 UN General Assembly pi ah Russia cu UN Human Rights Council Chungtel sinak in hnon dingah ram 175 nih thimfung an thla.

Hi Draft Resolution A/ES-11/L.4 hi Bucha ah mirunpi lainawnnak hmuhchuah hnu ah U.S. nih biatak tein a hun hrihhawhmi resolution asi.

UNHRC hi chungtel ram 47 an si. Chungtel sinak hnon kawh ding ah UN chungtel (193) asimi chung in cheuthum ah cheuhhnih 2/3 hnatlak aherh. Tuni Russia UNHRC chungtel sinak hnonding ah UNGA thimfung result cu: Hnon duhmi:93 Hnon duhlomi:24 Thimfung thla lo:58

Kawlram cu hnon aduhmi ram asi hlei ah hi resolution co-sponsor asi rih.Kanmah Southeast Asia ram hna cu thimfung thlalo an tam leng ah Lao le Vietnam hna cu hnon duhlo ram an si ve ai.

China ambassador Zhang Jun nih hi draft resolution cu, “mei a alh liomi datsi toih chih he aa lo” ati ve. India bel cu a kik zong kiklo, lum zong lum hlei rih lo. UN hi Zeitindah hma an lak thluahmah te hnga? Kan kawlram lei caah thathnempimi ava um ve te hnga maw? Zoh cio rihko hna usih law..Credit-Kham Pi

Be the first to comment

Leave a Reply

Your email address will not be published.


*