Rungtlang Gate kahnak!

Rungtlang Gate kahnak! Nizan zingka I Hakha khuapi i thawngpang theihmi khuari thawngkha , Hakha CDF nih Rungtlang Ralhrang Sakhan an main Gate le Ganggaw lam gate an va kah mi hna thawng asi.Ralhrang pa 4 an thi.

Cun CNA special force le Hakha CDF ibawmh in Winkyi pawl office um nak an vakah Ralhrang pakhat athi.Meithal athar mite pakhat an lak khawh fawn.Crd-Shiang Kunh

Ralhrang uknak lak Ni 617 a tling cang.Ralhrang nih uknak an lak hnu, 1 February2021 in tuni 10 October 2022 tiang, ni 617 chungah aliam hngalo ding minung nunnak 2342 an liam cang. 15806 hi tlaih an tong i 3176 hi an thlah than hna nain 12608 cu an tap rih ko tiah AAPP nih an langhter. Hi an langhter khawhmi hi nichirte thawng an lakmi chung in asiko nain hinak tamdeuh pi asi kho mi asi rih.

Thla 18 chung ramchung ramleng dohthlennak nehnangpi cuanh tikah lung asinak aum bantukin lungfaknak le thinlinhnak hi an ichap chin ve. Zei kan tuahkhawh cu umhlah kaw hmur icip tu kan i rianh ve.

Cheukhat cu an dawtmi an nungak an tlangval, an nulepa, chungkhar sahlawh rualchan vialte hna cu sianlo buin an kaltak hna. Upatnak sangbik kan pek hna ti dah lo, tuahkhawh mi dang kan ngei hlei lo.

A caan cun hi vialte nunnak an thapcangmi dohthlennak lamthluanpi hi tanttim ah ngol asi sual lai tiah thin i domh caan aum. Kan zulhmi lam cuan tikah a fiang pah fianglo pah phun, chupchap mom nawn khin aum.

Naite ah NUG lei in 2023 chung bakah kan ral hi kan tei cang hna lai, tlangcung hriamtlai phu 8 he zong hawi kan iser cang. 2023 cun a fiang hrim lai, asungmi sung, a awng mi awng tibantuk khin an chim. Kawlramchung 50% hi kan control cang, vanlawng kahthlaknak zong ser asi cang ti phun khin an chim. Tha a tho ngai.

Khatlei ah nikum lio an thli, R2P ee, ICJ ee, MAH cu Gaddifi bantuk in tlaih le hrem asi lai, a rau ti lailo ding phun khuahri thawng bang an thawng a rak thang ngang i, zei ruah hmanh a tlakthan lo phun asi than sual lai ti bel phan aum.

Varik duh zong ah ceipa ti cu um kaw, NUG hlei cu aho cu dah kan va i bochan deuh kun hnga ii? Keimah pumpak hrim zong U.S. House Rep. Steve Chabot office kan kal lio ah “U.S. cozah nihhin NUG he zumh deuh le naihniam deuh in rian ttuantti khawh kan zuampiak hram uh law” tiah ka rak chim bal ve ko. An ttuantti le tti lo belte cu anmah rian asi.

Kan hnuzarh New York ah UN a 77 tonpumhnak pi, zarh 2 chung an ngei. Ram 193 chungtel hruaitu hna bia an chim cio. Kawlram kong an siaherh nak zong an langhter cio. “Ukraine ral kan ti nakah kawlram mi intuarnak hi hnu kan chit sual maw” tiah achimtu zong an um len. An siahernak langhter pin lei cun zei dide aum hlei lo. NUG in kawlram U.N. Palai Kyaw Mor Thun tal cu chungtel tling ah an fehter cang men lai tiah rak iruahchanh mi hmanh ani tu an thawnpiak lehlam.

Khatlei bel ah EU parliment pi nih NUG hi kawlram cozah pi ah cohlan ding timi an awaan vun theih than tikah pakhat cu aa thleng nawnmi um te kho men lo tiah ruahchanh nak thar a vun um tthan.

NUG nih zeitin dah 2023 chung ah ral an kan teipi ning si te hnga ti ruah lio ah SAC nih hmaikum chungah thimnak tlamtling in tuah ding phun an aw a chuak ve. Cu chinchap ah tlangcung hriamtlaiphu cheukhat cu Neypidaw ah SAC he voi 2 khel hmanh tonnak an ngei cang ti asi. Ramkhel party cheukhat he zong an lung i hmuh cang dawh asi.

Cun, kan tlaih duhlomi hriam akan tlaihtertu ralhrangpi va doh hlan ah mah le mah idoh hmasat aa timhmi kan um. Cuhlei ah a zual rih mi cu khuasual atuahmi kha remnak lam va kawlpi khawh lo hmanhah daitein umko loin hrapkhat lei ttang in, mah le mah cu khua asual kho lo phun khin mi cu kutdong sawh kan timh rih hna. Aho hna zong khi kan tla lai ka zumlo. ngol rih phot ning.. Crd-kham Pi