Ruahchuk, ruahcho….91 Pi Suh nih a fapa Kawlram nannanzi chung pil ding asiang loh.

Ruahchuk, ruahcho….91 Pi Suh nih a fapa Kawlram nannanzi chung pil ding asiang loh. A hnawmtam tukmi Kawlram nannanzi ah a mah pinin a fa tuar ve ding cu a celh ruam loh.A mawh hrim lo. Amah tu nih cun zalong tein biachimnak a ngeih lioah mino thazaang thawng nannanzi ah nan i tel awk asi a rak ti.

A upa nih ,“ Kawl ralbawi pawl zirtian chung i ka far pil ding hi ka siang lo,“ a rak ti. Pi Suh nih Ralhrang pawl zia ka hngalh ko ati caah a lem in a rak lem hna; ICJ ah a huhphenh hna. Nain ai ruahning bang asi lo. Kawl ralhrang rilchung ah hram fekthup a thla cangmi anmah nih Kawlram cu tlaihpeng ding timi a thlahter kho hna lo.

Atu ah NUG le Tlangcung hriamtlai bom in Ralhrang cu a phur in phur ding ti asi. Hriam ngaingai in khat le khat i tei len ding ahcun a caan a kal pah rih lai. Atu NUG, NUCC, le PDF cawlcanghnak hi NLD le Pi Suh duhning tein chimrelnak an pek tik hna ah zei an tite lai dek?? ASEAN,UN, le International Community tampi nih NUG nak in NLD le Pi Suh hi an zoh deuh hna.

Ralhrang nih le ASEAN nih an nawrmi cu ka cohlang kho lo ti asi ve. A cohlan le hlan lo kha a poi lem loh. Hi NLD, Pi Suh, NUG, le ASEAN kar karhlan dan kan zoh tikah Tlangcungmi hi fimkhur ngai in kan cawlcangh a herh ko.

Ralhrang tei lawng siloin “ Miphun pakhat, biaknak pakhat ( လူမျိုးကြီးဝါဒ) “ ti lengmangmi zong hi Ralhrang sinin a ciam ve locun “ Kawl dan timi – မြန်မာ့နည်း၊မြန်မာ့ဟန်” timi kha a chuak kho than ko tikhi zumh lonak siloin ( မယုံကြည်မှု) Kawlram le Kawl upa tuanbia zoh ah a lang ko tikhi ka hei ruatchuk, cho fawn teh!!!Cureru cu!!Crd-Cn Kam

Be the first to comment

Leave a Reply

Your email address will not be published.


*