Ruah lo le ruah lo

Nizan thawh ṭhan ni cu Kawlram in Oslo ah Baibal sianginn a rak kaimi Pastor pahnih nih kan Khrihfabu ah caan an hmaan. Pakhat cu Kachin mi a si i, Putao khuaah Pastor a ṭuan liomi a si. A dang pakhat cu kanmah Laimi te a si i, Hakha lung biakinn ah Pastor a ṭuan liomi a si ve. Mino tete an si i, Kachin Pastor pa lebang cu tlangval te a si.

Zahan kha Khrihfabu nih an tlun innah an va leen hna i, keimah zong ka va kal ve. Cu i Kachin Pastor pa nih a chimmi bia pahnih te nih khua zaza a ka ruahter i, ruah lo le ruah lo tiang zong a ka ruahter chih dih fawn.

PDF le CDF bantuk hi Kachin ramah an um loh a ti. Spring revolution(new-oo ṭawhlanzi)hnu in dothlennak ah aa thawhmi nungak tlangval vialte KIA ah an lut dih ko a ti rih. Cucu KIA duhmi zong a si i, KBC(Kachin Baptist Convention) duhmi zong a si a ti fawn.

• KBC nih statement pakhat a chuah tikah Kachinmi vialte nih zulh dih a si ko i, KIA le KIO nih statement pakhat an chuah tik zongah Kachinmi vialte nih zulh dih a si ko a ti fawn(hi bia hi ka lung a tling tuk).

Hi Pastor pa bia pahnih te nih khua zaza a ka ruahter i, ruah lo le ruah lo tiang zong a ka ruahter chih dih fawn. Kan Lai ralkap pawl hei ti hrawnghrang khi a hei ka ruahter ngai ve i, Laimi hi kan biaknak nih a kan ṭhenṭhek dih taktak ko ne mu, hei ti hrawnghrang zong khi a hei ka ruahter ngai.Crd-Perhkalh Thawng

Be the first to comment

Leave a Reply

Your email address will not be published.


*