Ronaldo hi minthang a si ruangah a konglam theih ka duh ttheu nan ka uar tukmi le ka ttanh tukmi cu a si lo.

Ronaldo hi minthang a si ruangah a konglam theih ka duh ttheu nan ka uar tukmi le ka ttanh tukmi cu a si lo. Asinan atutan World Cup ah an ram coach pa nih caantling in a chuihter lomi kongah le Morocco nih an tei hna ruang i a lungrawh lio ka hmuh ahcun ka celh ve lo, ka tuarpi ve.

Keimah ka hei ruahnak ah Ronaldo hi an coach pa nih a rem pah lo i maw a si hnga ka hei ti. Morocco he an chuih lio hna ah a hramthok tein chuihter hna seh law an tei khawh men hna, chim awk a ttha lo. Kan Lai phungthluk ah a ummi cu “Mi pakhat thawng sa pakhat thawng” ti a si. Ronaldo thawng in world cup zong ngah khawh a si ve tinak bia.Crd-Van Tum

Morocco an men lo. Muslim ram an si nan thlacam an thawng tuk. Morocco le Portugal hi world cup ah voihnih an rak i tong cang i Morocco nih 3-1 in an rak tei bel cang i Portugal nih 1-0 in a rak tei bel ve.

Atu tan ah Morocco nih 1-0 in an van tei tthan hna. Morocco hi an van a ttha ti khawh a si. An mipi le a chuihtu pawl hrim khi thlacam an thawng tuk an lungthli tein Muslim ram an si nan. Ka ttanhmi le ka zumhmi Portugal an sung ai. A hramthok tein Ronaldo rak chuihter ding an si nan an coach pa a chir pah ve ko lai.Crd-Van Tum

Be the first to comment

Leave a Reply

Your email address will not be published.


*