Ronaldo fan pawl nih khin Messi khi an uar lo pin ah soiselnak bia ngaih nuam lo pipi an chimmi ka hmuh tawn.

C.Ronaldo Vs Messi.World Cup lio cu si kaw bawlung chuih le a chuihtu pawl an laar lio le a linhsat bik lio a si. Atu lio caan lawng si loin voidang tawn zongah ca tial le comment ka hmuh tawnmi chungin ka sia rem lomi a um.

Ronaldo fan pawl nih khin Messi khi an uar lo pin ah soiselnak bia ngaih nuam lo pipi an chimmi ka hmuh tawn. Messi fan pawl zong nih Ronaldo hi bawlung chartu hmanh ah hei thiah tlak lo phun tiang khin nan hei huat ve ning. Aho nih khin dah pakhat nan tanh ahcun a dang pakhat cu nan huat hrimhrim lai tiah order an chuah kan theih ve cio tung lo. An pa hnih tein a thiam veve bakmi an si ko. Uarmi cu ngeih phung a si nain amah he tluk ngaiin a um ve mi va huat theng lo te khin tanh khawh le uar khawh a si hnga lo maw aw ti khi ka ruat.

Kei hna cu Ronaldo a uar deuh tawntu ka si nain tutan world cup koko ah cun Messi nih a laan ngai ti khin ka hei ruah ko cuh. Chim duhmi cu: Jesuh Vs Sehtan kong a si lem tung lo mi le Min Aung Hlaing Vs Myanmar mipi kong a si lem lo mi pawl, talent kong te hna ah hin cun va huat tukmi ngeih lo tein kan tanhmi kha tanh khawh tuk a si ko lo hme maw ti te khi si ko.Crd-Lian Hram