RIP, Mandalay I a ummi Methodist Bible sianginn ah kan kaipi Kan hawinu, Hnin Wai Wai Hlaing cu ralhrang nih an kah sual ve rua.

RIP, Mandalay I a ummi Methodist Bible sianginn ah kan kaipi Kan hawinu, Hnin Wai Wai Hlaing cu ralhrang nih an kah sual ve rua. A nih hi Kawl a si i Maymyo khua a si. Kum 2004 hrawng I Maymyo Kan rak tlawng lio zongah an inn ah ka va leng hna. Mitha tuk a si. Maymyo Methodist buu ah bochanmi si ve. Taantakmi chungkhar Bawipa nih hnem hna seh law umpi ko hna seh.Crd-Van Tum

Social punishment tuah a hmangmi cu Pathian nih a let tampi in dan a tat ve hna lai. Aruang cu Pathian duhnak le Bible cawnpiaknak he a kalh ruangah a si. Phundang in kan chim rih ahcun social punishment tuah a hmangmi cu Pathian dalan an si. Pathian dalan cu Pathian duhnak le Bible cawnpiaknak kha zei ah rel loin anmah duhnak le hlawknak lawng an ttuan lai i an kawl ko lai. Pathian ralchanh in rian an ttuan lai. Bawi Jesuh zuartu le leirawitu, Judas Iscariot zong Pathian dalan a si. Laimi lak zongah Pathian dalan tam ngai dawh kan si. Social punishment tuahnak i na tel ve ahcun Pathian dalan na si ve tinak si ko i Pathian nih dan an tat ve lai tinak si ko.

(Salm 34:12-22), “Nun nuam tein nun le chan saupi le lunglawm in nun cu nan duh maw? Nan duh ahcun, bia ṭhalo chim kha i sum u, lih kha chim hlah u. Ṭhat lonak kha hrial u law ṭhatnak kha tuah u; daihnak kha duh u law nan hmuh khawh nakhnga fak piin i zuam u. A dingmi cu Bawipa nih a zohkhenh hna i an aunak kha a theih; sihmanhsehlaw ṭhat lonak a tuahmi kha cu a ral hna i cucaah anmah mi lila hmanh nih khan an philh hna. Miding mi nih cun Bawipa kha an auh i an bia kha a ngaihpiak hna, an harnak chungin a chuah hna.

Lung a dongmi kha Bawipa nih a umpi hna i ruahchannak a ngei lomi kha a khamh hna. Miṭha nih harnak tampi a in tawn, sihmanhsehlaw harnak a inmi chung khan Bawipa nih a khamh; Bawipa nih him tein a zohkhenh i a ruh pakhat hmanh a kiak lo. Miṭhalo cu ṭhat lonak nih a thah hna lai, miding mi a huami hna cu dantatnak an ing lai. Bawipa nih a sal cu a khamh hna lai; amah tangah aa dormi cu him tein an um lai.”crd-Van Tum

Be the first to comment

Leave a Reply

Your email address will not be published.


*