RIP.CDF-Thantlang pasaltha tangval Sang Hlun nih ram le miphun caah a nunnak a pek than

RIP.CDF-Thantlang pasaltha tangval Sang Hlun nih ram le miphun caah a nunnak a pek than February 7 Thantlang I kahnak ah a lu ai hliam i a lưu ah thi a luh caah Aizawl sizung ah zahan kha an kalpi, lampi ah hliamtuar loin a kan kaltak pasaltha ram le miphun caah na nunnak na pekmi hi kan miphun nih cun zeitik hmanh ah kan philh kho lai lo, upatnak sang bik kan in pek

Nawlnak: Keimah post hmasa mi asi hrimhrim lo, ka friends chung le media zongah post mi an um ko caah upatnak he ka vun post ve.Crd.Chelsea Bawi

Pakokko Peng Myitchay Ah SAC Ralkap Doh An Tong 7 An Thi, 3 Tlaih An Tong.Magway ramṭhen, Pakokko peng Myitchay saṭilzuatnak ah umhmun khuarmi SAC ralkap hna cu February ni 11, zinglei ah kahdoh an ton caah ralbawi 2 telh in 7 an thi, minung 3 cu kan tlaih hna tiah Myaing PDF ṭuanvo ngeitu Bu Cross nih a chim.

SAC ralkap umnak sakhan luhhnawh in kahdohnak hi suimilam 3 hrawng kan rau i, sakhan zeimawzat kan khangh hnu ah ṭatkyatkyi pakhat le ralkap 2 tiin minung 3 kan tlaih hna tiah a chim.

“Saṭilzuatnak hmun a ummi SAC ralkap hna hi doh kan timhnak a rau pah cang, atu lawng ah kan cawlcang kho, cuka hmun i a ummi inn zong tam deuh cu kan khangh khawh” tiah a chim.

Cu kahdohnak ah cun bukyi pakhat, bulay pakhat le ralkap 5 an thi, SAC ralkap lei nih vanlawng hmang in ka a bawmh hna tiah a chim chap.

PDF lei hliamhma tuarnak um loin hnu kan tolh kho, SAC ralkap lei minung 3 kan tlaih hna pin ah meithal 3 le zei dang hriamthil zeimawzat kan laak khawh tiah Myaing PDF ṭuanvo ngeitu Bu Cross nih cun a chim.

SAC ralkap hna cu Myaing leng Earthquake People Defence Force, MC KC Myitchay tualchung hriamtlai phu le Drone phufonh nih an doh hna tiah theih a si.Myaelatt Athan The Chin Post