Pathian ram kauhnak caah le minung hawi i bawmhnak caah ti in rak dirh mi New Life Center cu ni hin ni tiang Bawipa um pi nak le lam hruainak thawng in kum 5 nak chung a kal ve cuah mah i hi rian tuannak caah thinlung fim thiam ruahnak lawng siloin neih chiat chawva he a kan telpi mi nan dihlak te cung ah kan i lawm i nan mah le si khawhnak cio in nan i peknak cung ah kan Pathian nih a let tampi thluachuahnak he in cham than ko hna seh.
Nan sin ah thawngthanh kan vun in duh mi hna cu Myanmar ram buai ruang ah kan fa le hna cu Kum 2 chung sianginn an kai ti lo tik ah kan mah le si khawhnak cio in kan i bawmh khawhnak tal si ve hram seh ti mi ruahnak le tinh mi ngei in tu kum 2022 January thla thawk khan New Life Center nih Mirang ca speaking le grammar cawnnak cu a maan la lo te in kan awt i a kai mi hi 40 reng lo an hung si.. Cu tik ah class 1 lawng nih a zat ti lo tik ah class 2 in then ding khi an si.
Cun caah cun Mirang ca speaking le grammar tang 8 ( grade 8 ) tang a chim kho ding mi kan herh caah hi rian hi Miphun le ram le Pathian ram kauhnak caah ka tuan khawh ve nak a si ko a ti mi nih cun atanglei contact information ah hin vun kan contact khawh a si tiah thawng kan rak in thanh hna..
Rian tleih ding mi le thlahlawh zat fianternak
1. Thlahlawh cu thla 1 ah kyats 250000 in awt a si lai.2. Rian tuan ning phung le tuan mi zoh in thlahlawh zong kum 1 hnu kum 1 keihnak tuah piak a si lai
3. New Life Center ah full time riantuan tu a si lai i ei din le umnak free in pek a si lai.4. Mirang ca taang 8 ( grade 8 ) tang speaking le grammar le Mathematics ni khat ah nazi 1 chung ( Monday to Friday ) cawnpiaktu a si lai.5. Zing lei le zaan lei ah ngakchia a um mi Pathian bia le hla in devotion tuah pitu a si lai.6. Center chung cawlcanghnak te te aherh ning in reportnak thla 3 ah voi 1 ( cahmai 2/ 3 ) nak tam lo a petu a si lai.
Pumpak telephone chawnhnak zong in tlamtling deuh in kan i chim hna lai.
Ahleiin vun thanh chih kan duh rih mi cu nu le pa nih maw a nu maw a pa nih maw thih tak mi siseh, nu le pa dam lo ruang ah fa le zohkhenh hau mi siseh sifak retheih tuk ruang ah fa le zohkhenh kho lo dirhmun a dir mi Miphun le Biaknak thleidannak um lo in kum 5- 14 kar lak a si mi atu tiang ah aum cang mi minung 11 pin ah atu hnu minung 15 in 20 tiang va chiah khawh rih an si ti zong thawngthanh chih kan vun in duh hna.
New Life Center nih ai tinh mi cu sifak rethei le ngakttah hna le Mino tampi hna Pathian an theih i Jesuh Khrih khamhnak an tinco pin ah Center an um lio ah fim thiam nak pakhat khat an cawn mi in mahte Pum paw cawnnak an ngeih i mah kut ke in a dir kho mi si ter tiang kha ai tinh mi cu a si..
Miphun hawi hna hi riantuannak cu vawlei cung ah kan minung hawi Pathian muisem keng le lo in ser mi hna a lamkip in kan i bawmh khawhnak caah le Bawipa ram kauhnak caah si ko seh ti hi kan Thlacamnak zong a si.
Rian sawk aduh mi le NLC kong ah fiang deuh in thil sining theih aduh mi hna nih atanglei kan vun langhter mi hin pehtlaihnak tuah khawh a si lai..
Facebook – Emmanuel Cinzah
Email – salaiemmanuel@gmail.com
Mobil – 0045 42 40 31 92 Nan dihlak siaherhnak he..
Leave a Reply