Rian hnih kemh Salai le Mai dirhmun hi ngaih a chia

Rampi that lo ruangah  Hriamtlaih in ram tangah kan lut Dawtmi u nau chungkhar kaltak in kan ram ca ah kan dawtmi, kan fa, kan chungkhar le kan nunnak cu kan pek a caan ah chungkhar eidin ti le rawl tuaktak a hau, a caan ah zeitindah uico rual kan tei khawh lai i kan kah lai ti in tuaktan le cawl cangh a hau fawn lung a mit khim!

Chungkhar, nupi fa le kan dawtmi hna an ngandamnak le an eiding tuaktan lo ahcun pawtam in tappi kam ah thut ter hna le thih ter hna a fawite. Ram caah kan thinlung le nunnak cu kan mah nih cun kan pek ko a sinain chungkhar eidin ding le an ngandamnak tuak ah ngaih a chia i a caan ah celh a si lo.

Kan mah nih harsatnak tuar le in hi kan zenh lo i kan nunnak pekhmanh kan siantuk, a sinain an mah caah kan dohmi Myanmar rampi a that khawhnak lai tiah kan cawlh cangh hnawhchan mi kan nu le pa kan fa le dawtmi hna nih harsatnak an temtuar ding cu kan ruat kho fawn lo, hriam tlaih lo ah le ralzaam dirhmun in a dirpeng ding ram ah kan um fawn. hriam kan tlaih ah le cawmtu ngei lo chungkhar an tam lengluang fawn pasal lung a mit kho hih.

Cukar lak ah CDF le CNA thangchiat le soisel duh Mai le Salai kan tam rihning,
Kan upa nih a chimmi ka uartukmi biafang cu CDF hi NGO,Biaknak phuu,Gospel Teams kan si lo hih a ti.Curuangah CDF,CNA nih hin tuahsual zurit sual palhsual caan kan ngeihmi ah soisel le thangchiat phun in i lakcolh hmang ka hei huat hna ning.

Bantuk na duh lo ahcun nangmah na dinfel a palhmi a tuahsual ballo mi pa nu nih cun teh hriam nan tlaih i Dothlennak nan tuah ko kan ram zaam tak riangmang i a himnak hmun in duhpoh au kan ning zak seh. Chungkhar,kan dawtmi kan u kan nau kan nu le pa kaltak in ram caah kan tuahkhawh tawk kan tuanmi ah thathnemnak bia a si lo mi le tuahsernak tha a si lo mi ah i thelh hlah.

Myanmar dothlennak ruangah Nu le pa nih fa le pazeizat dah an hlawt cang hna, Nungak le tlangval nih an dawtmi he zeizat remruam dah an i then cang. Na tuak bal maw?

A cheukhat Salai le Mai cu CDF in na chuah lo ahcun kan i then lai a timi hna nan tamtuk khah ruatsetset u nan dawt mi Salai le Mai dirhmun hi nan fiang lo tuk.

CDF dirhmun in a dirmi Salai le Mai hi zeitluk in dah kan dirhmun a har i a chiat zeitik ah kan thihlai, kan chungkhar zeitin an um lai kan dawtmi zeitindah an um lai tiin khua a ruatpengmi hna dirhmun le sining hi kan sin ah ra ve law rak thei fiang cu hnu ah biakhiahnak tuah law na duhning in biachim te.Credit-Salai DK

Be the first to comment

Leave a Reply

Your email address will not be published.


*