Rev.Dr Her Kio Khamhnak kong ah cun hi ti hin a chim;“Jesuh Khrih a zum cangmi hna hi pelhhreuh i lamh sual le pial than khawh a si dahkaw” tiah a ti

Hi kan pa Rev. Dr. Hre Kio hi Bible lei cawnnak ah a sang bik Ph.D tiang a phan. Laimi dang nih kan phak khawh lo mi International minung hna riantuannak Bible lehnak ah consultant tiang a tuan.

Atu kum 90 a tlin deng tiang zumh awktlak in pastor a tuan rih. Pastor a tuan kum lawng hmanh kum 50 leng a si cang.Interview biahalnak an tuahmi ah chan i khirh than seh law, hei no than law zei rian dah tuan na duh hnga tiah an halmi ah, “pastor rian” aa thim thiamthiam, mah cu tluk cun Pathian a duhmi a si.

Khamhnak kong ah cun hi ti hin a chim;“Jesuh Khrih a zum cangmi hna hi pelhhreuh i lamh sual le pial than khawh a si dahkaw” tiah a ti.Crd-Peng Thang

Jesuh Caah A Dang Pakhat Rick Warren nih a pa kong a tialmi aum. Ka pa cu Pathian rian a ṭuannak kum 50 leng a si cang, khuate pakhat ah pastor a ṭuan. Amah cu pastor sawhsawh a sinain mission ah aa pumpe ngai rili ral ah zumtu mi tlawmte caah Biakinn sakpiak ding kha a pumpemi hawi le he a ṭuanmi a si.

Biakinn 150 hrawng vawlei cung khuaza kip ah an sak cang. 1999 kum ah ka pa cu cancer in a thi. A thihlai zarh ah lungfim bang fim lo bang a um tiang, a chunmang cu a dang Biakinn pakhat sak rih ding a si. Zankhat cu ka pa a dihnak a si cang caah ka fa le, kan nu he a pawng teah kan ṭhut hnawh. Ruah lo piin ka pa cu a huntho i a ṭha a um ti lo caah kan nu nih a zauter.

A sinain a thoṭhan , kan nu nih “ Zeidah chimh na kan duh a ti” a lehmi cu “ Jesuh caah a dang pakhat khamh ka duh rih” a ti cucu atu le atu a nolh ṭhan. Nazi pakhat cungah voi 100 tal cu a chim lai dah. Ka pa pawngah cun ka mitthli he ka ṭhu, Pathian sinah ka kun i hi bantuk zumhnak a ngeimi pa ka ngeih caah lawmhnak ka chim.

Cun ka pa nih ka lu cungah a kut a chuan i rianṭuan kho rihding sining law “Jesuh caah a dang pakhat khamh rih ka duh( save one more for Jesus) a ti. Rick Warren, The Purpose Driven Life (Grand Rapids: Zondervan, 2002), 287.
Asi, zumhnak a ngeimi caah cun zei paoh a si kho ko,” (Mk. 9: 23) tiah Jesuh nih a ti.Mah Azi

Be the first to comment

Leave a Reply

Your email address will not be published.


*