Rev. Dr. David Van Bik le Lai Baibal Thiang

Rev. Dr. David Van Bik nih
Lai Baibal Thiang tiah min a khenh!Hakha Baibal a ti lo. Thantlang Baibal a ti lo! A huap a kauhter!

Lai Baibal a lehmi a biafang kan thinlung chungah a nung!
A biafang bak in kan ciah. A biafang kan icinken. Kan thinlung chungah a caam.

Bia le hla ah a rum!Solomon hla a lehmi hi Hebrew le mirang bible ai zohchihmi nak hmualngei le thuk deuh in an kan lehpiak khawh! Solomon hla hna hi cu lei dongh tiang amah bantuk a let khomi an chuak ti lai lo.Chan tam pi hnu bel ah holh hlun a si tiah hnon hna si sual te hnga dek maw tiah ka ruah!

Holh thar, biafang thar hman a thiam. A serkhawh, a tian thiam!
Lai Baibal thiang ah Laimi nih kan rak ngeih bal lomi biafang thar a ser khawh. Ai tlakning in a hman thiam! Cu pin ah zapi zaran lungfian khawh ding in biafang a tian thiam rih!

Biafang a hman tikah pengtlang holh vialte ruahchih in a hman i khualipi a simi hakha holh hrambunh in biafang kan hman awk a si timi ruahnak a dirpi mi a si tiah ka ruah. Hakha holh ee, Thantlang holh ee a ti lo.Ka chuahkehnak holh ka hman lai i a dang ka khuhchilh ( influence) hna lai timi lungput a ngei lo.

Laimi chungah amah nakin mirang holh thiam, Hebrew le Greek thiammi an chuak ko lai nain amah bantuk Lai biafang hmanthiam cu an sem lai ka zum ti lo.Tuzarh hi Baibal Sunday zarh si caah Lai Baibal Thiang rak rel cio hna usih!Crd-Ca Cung Bik

Be the first to comment

Leave a Reply

Your email address will not be published.


*