Refugee lak a duhmi American mipi hi, 10,000 nak an tam ahcun, Private Sponsor hi karhter kan izuam lai tiah an telh.

Joe Bidden nih President a tling in Refugees laknak caah, Executive (Order 14301) in a sermi “Welcome Corp” cu an von nunter cang.

Welcome Corp nih aa timhmi cu American Citizens le Green Card a tlaihmi hna nih Refugee laknak ah itel khawhnak Program a si. Phun dangin chim ahcun, American mipi nih ralzam sponsor khawhnak kutka a si.

State Department nih an ttial ning ahcun, Welcome Corp hmang in American Mipi 10,000 nih Refugee 5000 hi 2023 chung ah an lak khawh hna lai a ti. Refugee lak a duhmi American mipi hi, 10,000 nak an tam ahcun, Private Sponsor hi karhter kan izuam lai tiah an telh.

Lakning cang phung an von sermi cu: Refugee lak a duhmi nih Private Sponsor Organizaton ( PSO) an dirh lai. Kum 18 cung chungtel 5 tal an si lai i, an sponsor mi, US an phan tikah 90 days chung an zoh khen hna lai” ti a si. Airport don, zung kalpi tbk vialte tuanvo an lak lak lai. Refugee pakhat laknak ah a tlawmbik, $ 2275 chuahpi a herh lai an ti. ( Sponsors are required to raise at least $2,275 for each refugee)

Refugees lakmi hi “US Refugee Admissions Program (USRAP)” ning thiam thiam in a si lai i, Ramleng ahcun, US State Department nih phaisa an pekmi NGO nih an tawlrel lai.

Welcome Corp hmang in 2023 chung in Refugees 5000 lak ding an timi ahhin, tthen hnih in an tthen. A hmasa thla 6 chung hi, USRAP nih cohlang ciami kha an lak hmasa hna lai. Thla 6 a dih in mi thar laknak tuah khawh a si lai tinak a si.

Note: Refugee an ti caah, refugee na si tiah UN nih card an pekmi hna lawng sponsor khawh dawh an si.Crd.Zasang Cinzah