.Ramdang khuasa pawl rawl thawthaw an ei lio hmanthlak FB an itaar.

Ramdang khuasa rawl an idanghnak hmanthlak taar hmang…Ramdang khuasa pawl rawl thawthaw an ei lio hmanthlak FB an itaar. Cu lio ah cun kan ram ah harsat vansaang in khuasa kan tam.Mah tikah, a vuivaimi kan tam ve.

Ramdang khuasa hna dirhmun hi theihthiampiak a herh ngainak um. Rawl idanghnakmi hmanthlak tete ka hmuh tawn ahkhin ka hngar ngai hna. Anmah he naihniam cingla hawikom he an inuamh ning zoh ah mit tha an dam.

Nain, zoh hna ulaw, zei tluk in an baat i atu bantuk in thahrimhnak an ipek ti khi an mithmai khin hmuh khawh a si.

Ramdang khuasak hi fawi bak lo. Acheu sml 8 paoh rianṭuan hau. Ni khat sml 8 lawng rian a ṭuan kho dirhmun cu ramdang ah cun a boss deuh i a nung caang kho deuh an si tinak a si.

Kei lebang ni khat sml 12 bakte rian ṭuan ka duh; ṭuan awk a um paoh cun sml 12 chung paoh cu ka ṭuan. Cu pinah a dangdang kemh awk um le kemh ka duh rih.

Kan baa maw baa lo tiah cun, hal hau lo bak khi si. Zeimaw caan ah a lung fiim lo an tampi lai.
Mah hihi nunnak timi life cu a rak si ko.

Zeimaw caan i hawkom hna he rawl idumṭi, zalong tak in tha idamh phun khi ka uar tuk ve. Kannih hna cu kan tuah khawh a tlawm.

Ka innpa ka hawi ka sahlawh le te he cun bii te khin tuah khawh cu kan izuam ve tawn nain, thla khat voi khat hmanh kan ti kho nemmam lo. Thla thum dan ah voi khat hna khi si.

Rawl an idanghnak hmanthlak an taar ruangah na mit an hnawmh ahcun… nai palh lai.

Ramdang khuasami hna hi a caan ah cun, zaangfak kan si tuk ka ti tawn. Crd-Salai C Alexander

Be the first to comment

Leave a Reply

Your email address will not be published.


*