Ram le miphun caah nunnak, sinak le caan ipek timi cu Tayzar San nih atu le atu a kan hmuhsak lengmang.

Ram le miphun caah nunnak, sinak le caan ipek timi cu Tayzar San nih atu le atu a kan hmuhsak lengmang.  Ramthat lio zongah mipi sinah a um i ramchiat lio zongah mipi he a um. Mipi a zamtak bal hna lo. Zamtak a tim bal fawn lo.

Mipi nunnak ah a nung, a mah nunnak le mipi nunnak cu thleidan lo tein that ah that ti , chiat ah chiat ti tiin ramtang ah a um ve.

US ah zam duh sehlaw fawituk in a ra kho dingmi pa asi. Nain a miphun le ram caah mipi he hmunkhat te ah a tuaring ti.

Hruaitu a timi ahopaoh nih an mah nun siaremnak in mipi he hmunkhat te ah tuaring ti duhmi lungput a ngeimi tampi kan herh ngai hna. A lamhlat in ram le miphun dawt si loin Tayzar San bantukin mipi he hmunkhat te ah a nung mi  hruaitu tampi Laimi nih kan herh hna.Crd. Salai Z T Lian

Jesuh Khrih Nih A Kan Tlanh Cang A.J. Gordon cu Boston, Massachusetts, Clarendon Church Baptist pastor a si. Nikhat cu tlangval no pakhat nih vate tampi bawm in a put kha Biakinn hmai ah a hmuh. Gordon nih, “Ka fa na vate cu khoika ah na laak?”a ti.

Tlangval note nih, “Lei ah ka tlaih ko hna hih,” a ti. Gordon nih, “vate hi zeidah na tuahnak lai?” tiah a hal ṭhan. Tlangval no nih cun, “lente ka celhnak lai cun kan chizawh ka pek teko hna lai,” a ti. Gordon nih cun, “Kan cawk lai,”a ti.

Tlangvalno nih cun, “Mah vate hi hla sak a thiam mi an si lo na duh hna lai lo,” a ti. Sihmanhsehlaw Gordon nih ka duh ko hna kan cawk ko lai a ti. Cun $ 2 in a cawk i tlangval pa cu lunglawm ngai in inn lei ah a lawi. Gordon nih cu vate cu a bawm cun a thlah hna I vate cu van ah an zuang dih. A thaizing zarhpi zing ah Gordon nih phung a chim i cu vate kong cu Jesuh Khrih cu a tlaumi hna kawlawk le khamhawk ah i vawlei ah a ra- a thisen sung in a kan tlanhnak kong, tahchunnak ah ahman i a chim. Tlangval no pate nih hi vate hi hlasak a thiam lo a ti nain bawm chungin ka thlah lio hna ah khan an thla an samh i an zuan pah ah, “A kan tlanh cang! A kan tlanh cang!

A kan tlanh cang! tiah hla a sa mi ka caah cun an lo ko tiah Gordon nih a ti. Vate an hla hi Tukum Khrihmas kan  Hla sicio hraam she law sunglawi tein Khrihmas hmang cio u sih. Crd:  https://tonycooke.org/
“David tefa Josef, Mari hi na nupi ca I lak awk ah ṭih hlah, zeicatiah fa a pawi mi hi Thiangthlarau thawngin a si. Fapa a hrin lai I a mi kha an sualnak chung in a khamh hna lai,” tiah a ti(Matt 1: 20-21)

Christmas Daihnak Lawmhnak le Hnangamnak Nan dihlak cungah tlunghraam ko seh!!!Mah Azi