Sagain ramṭhen Kanbalu(ကန့်ဘလူမြို့နယ်) peng ah ralzaam in a ummi nu pahnih cu rul nih a cuk hna tiah theih a si.
Nohawng 2 chun ah kum 58 nu pakhat cu rul nih a cuk i Nohawng 3 ah kum 24 nu pakhat a cuk ṭhan.
Rul nih a cukmi hna cu rul sivai a damh khomi BPI dur 6 le India sii rul siivai teimi 4 an chunh hna i 80% cu an dam cang tiah theih a si.Crd.CCN
Kanbalu Toolgate Ah SAC Ralkap Motor Bomb Puahhnawh An Tong, 5 An Thi.Sagaing ramṭhen, Sagaing peng Kanbalu Toolgate ah mipi sin in phaisa khawltu SAC ralkap hna cu motor pakhat in an kirlei ah Yuamah le Nathkayine kar ah bomb puahhnawh in kahdoh an tong. SAC ralkap ralbawi pakhat telh in ralkap 5 an thi tiah Zero Pahkahphah hruaitu Ko Htat Kyi nih a chim.
” An um kal ning ṭha tein kan ngiat hna, an kirlei cu kan hmuh hna caah anmah zawn ah bomb kan puahhnawh hna, an i citmi motor cu hmailei ah aa let i a kee a tlongh caah a dir, SAC ralkap bothum pakhat le ralkap 4 an thi” tiah a chim.
Bomb puahhnawh in doh a tongmi SAC ralkap hna nih cun an pawngkam hmunkip cu an kah leng ah, Nathkayine khuachung ah cawlcanghnak an tuah tiah theih a si.
SAC ralkap hna cu Zero Pahkahphah le tualchung hriamtlai Tayeni phufonh nih an doh hna tiah theih a si.Mizzima
SAC Nih Hramhram In Thahnawnnak A Tuah Ruang Ah Tualchung Mi 2,950 Leng Nunnak Liam .SAC nih uknak a laak kum 2 chung ah hramhram in kahdohnak le thahnawnnak a tuah ruang ah sualnak ngei lo mipi 1,950 nunnak a liam i, 17,604 tlaihkhih an tong tiah ramkhel lei thongtla bawmchantu phu AAPP nih a thanh.
Tutan ah langhtermi cazin hi 2021, February ni 1 in 2023, February ni 3 tiang AAPP nih a khomhsuatmi cazin a si i, atu ah langhtermi nakin a tak ah an tam deuh kho tiah a langhter chih.
Khuapau Dohthlennak chung ah nihin February ni 3 tiang ah hren a tongmi hi 13,825 an si, cu chung ah minung 2,311 hi thongthlak ding ah biakhiahnak tuahpiak cangmi an si. Thongthlak a tongmi hna chung ah thihdan pekmi dihlak hi 143 le luatnak a hmutu hi 3,796 an si. DVB
Leave a Reply