Kan theih cio bang India cozah hi kawlram mipi nakin ralhrang lei ah a tang deuh bantuk a si. Tulio kan ralkap hliamtuar pawl kut/ke bul le mit hmapu hna hi phung ning loin a um mi an si tikah ralrin ngai kan hau.Anmah kongah police biahal ka tong cang.
Siaherhnak he ram dang le khual tlawng mi nih nan rak veh pah hna i kan i lawm tuk.Cubelte cu hman nan i thlak pi mi hna kha public tar piak lo tein kan um piak uh tiah zangfah nawl kan duh hna. Zei caan kan rauh lai ka theih lo caah kan lam a pih lo nak hnga ralring tein kan i bawmh cio hna lai. Keimah zong ka rak tar sual. Hi hnu cun ka tar ti lai lo.Dr.Pari New Delhi
Tthuro Nunnem Oliv Hnahthar He Ra Cang Ko!Genesis 8:10-11 Nisarih a ngan hnu ah lawng chung cun Tthuro cu a thlah tthan. A sinain zanlei ah khan a rak kir i a hmur in oliv hnah thar te hi a hun i put. Cucaah Noah nih ti cu a ttum cang ti kha a hngalh.
Noah chan ah Ti nih vawlei a khuah dih. Noah le a chung le le saram tlawmpal lawng lawng chung ah an um i an nung. Ti a ttum tikah Noah nih a voikhat nak langak a thlah i vawlei cung ah ti a ttum dih rih lo caah a zuang lengmang ko.
Voi hnihnak ah Tthuro a thlah. Futnak a hmuh lo caah Noah nih a kut in a heibanh i a sinah a rak kir tthan. Voithumnak a thlah tthan tikah cun Noah sin ah a rak kir i oliv thinghnah note a rak i put. Noah nih ti a zor cang ti kha a hngalh.
Ti nih vawlei a khuh lio ahcun harnak hmel chunhnak a si. Rili ti nih muisam ngei loin a tuah. A chung ah Lavethan rulpi cu lente a celh. Ti a zor hnu ahcun daihnak a si. Tthuro zong nih oliv hnahthar te kha a hmuh khawh cang.
Tthuro le oliv hnah hring te hi nihin tiang in daihnak hmel chunhnak caah hman a si. Daihnak um seh ti langhnak caah an hman tawn. Baibal chung ah a ummi sining hi nihin vawlei cung ah hmelchunhnak ah hman lengmang an si mi hi Pathian nih thluachauh a pekmi sining an si caah a a si.
Kan ram ahhin harnak hram a si tiah kan ruahmi hi a hram cat cang seh law, tthuro nih hnahno te a put bang in teinak thantar hi tar si ve ko cang seh ti hi ka thalcamnak a si. Kan nunnak ah tilian bang in harnak a kan petu rai hi ttian cang seh. Thir le phang in a kan tuah tur al zong hi daihnak teinak in daihnak ser sihram ko seh. Tthuro nunmen oliv hnah thar put in kan ram ah rungleng than ko.
Ka au tikah ka let tuah, maw Pathian a ka chanhtu, Harnak chung ka um tikah nangmah nih na kan bawmhtawn.A tu zong kan zaangfah law kan thlacamnak hi kan theih paik ko (salm 4:1).Bil Hmung
Leave a Reply