Ralrin awk

Post Edit..Tuzing ah kan nau le palik kut an phan cang ti thawng theihcu hnangam.

Tuluk ah hlen kan tonlonak hnga leh kan him cio khawhnak lai vawi tamlak te seherhnak ka rak tial pah lengmang tawn naain ka duh tiloh, ka tihnu ah tu hi ka post than.

A hleice in Guangdong peng chung ummi hi i kidnap a um duh khun. Kan laimi chung in a tuhi kan ton vawi hnihnak sicang. Nikum lio ah maw sikha, vawikhat kan ton cang. Zahan nai ah a tu kan ton than.

Intek i thial kan duh i, rian kan kawl tik ah ralrin taktak kan hau. Mah nih theih setset lomi kha fuhpanh lo a him cem. Motor kan auh tik ah kan mah nih kan theih setlo mi midang sinin motor Driver ka ngei a titu poh zong zumhlo ding si.

Hi kan nau le pa hnih hi police auh ding in zahan ah kan tihna i, kan hawi nu nih auh dan a rak chimh hna i an tlamtling ding ahcun kan i ruahphawt. Tuzing in cun kan chawnh khawh tihna lo caah Police kut ah an um cang lai tiah kan i ruah. Zanlei deuh hna ah biafiang theih um te hnga dek maw.

Tuluk ahcun tonsual tontik ah zeihmanh i bawmhchanh khawh a siloh. A hohmanh aa bawmchan in aa fuhpanh ngam taktak kan um loh. Hibantuk vanchiat a tongmi tete hi kan laimi Hakha thantlang le falam ko hicu, a min in saupi a um cang mi le holh kho kan sinak ah kan sinah bawmh hal an umpah len tawn. Cucu Keimah pumpaak in chim ko ahcun zawtfah damlo le kawlram lei tlunkal a hau mi tilo ahcun Police he i neihniam dingcun san ka tlai ve hlei loh. Holhthiam kha a thathnemnak umlo ka tiduhnak sicu.

Cucaah, thil ton sual kan ton hlan in ralrinnak le seherhnak kan tial mi tete tu hi rel tawn uh. Tonsual ton hnu i, a ho kan sin zong ah va siko seh bawmh kan i hal khi kan in bawmhkhawh mi hna a tlawm tuk cang.

Hmanthlak khi Pahnih an si nan pa 1 lawng ka tar. Cun an mui langhter ka duhlo caah ka riam mi si. Zahan ih kan nau le pahnih Misual nih an tlaihmi hna an si. Rian kawl le kawlram tlunkalnak Motor le Agent kha biatak deuh in ralrin kan hau cio cang.

Ka nau le Himdam tein Police kut an phak i, Khua lei Nu le Pa sin an phak khawh thannak lai Thlacam bawm cio hna u sih.Crd-Van Bawi Zi Hlawnceu

Be the first to comment

Leave a Reply

Your email address will not be published.


*