Ralhrang nih vanlawng pawl hi an phan rih lo. 2023 kum canceo hrawng ah a phan telai ti a si.

Vanral: Teraap Nih Tuluk Sinah An Cawk Cuahmah Mi Vanlawng FTC 2000G OR Tlang Muvanlai
FTC 2000G, Mountain Eagle asilaoh JL-9 tiah min thum hrawng angei mi vanlawng hi MAH nih Tuluk ah a cawk cuahmah ti a si. Kan hnu June thla ahkhan Tuluk ram Kumming ah ralhrang vanlawng engineer pariat, vanlawngmawng pariat le ralhrang hriam lei officer pahnih cu an kal i vanlawng cawknak kong cu an va tawlrel tiah Irrawady nih a rak phuan cang.

Asinain hi vanlawng pawl hi an phan rih lo. 2023 kum canceo hrawng ah a phan telai ti a si. Hi vanlawng cawk ai timhnak a ruang bik cu atu ralhrang nih an hman pah lengmang mi A-5 Bomber pawl hi an tar tuk cang i cucu thlen ai timh khi a si. A chungthli thawng ning ah cun hi vanlawng hi Shan, Tada-U le Kyaukhtu ah chiah a timh ti a si.

Hi vanlawng pawl hi 23mm cannon zenthong pawl ai phurh i cung in vawlei a kap khotu (YAK-130 bantuk) vanlawng an si. Cu pin ah 2x PL-8 AAMs, 2x PL-9 AAMs timi rocket bomb pawl an i ken khawh. Vanlawng tharhlam deuh an si ca ah tih a nung mi an si ve.

Hi vanlawng hi an an phak rih lo ca ah, a tulio a ngeih cia YAK-130, JF-17, Mi-35P (helicopter) deuh hi a hman ko rih hna lai. Kan i ralrin ding mi cu khurcawh le himnak tuah a si ko. Cu nakin a herh deuh mi cu ral vanlawng hi a zuan thawk in a Chinram vawlei ah a rak um mi hna nih thawng kan i pek manh hi a si. Chin ram a huap kho mi vanral ralrinnak Network pakhat hi i ser that kan herh. Salai Tial Hram Ling

Be the first to comment

Leave a Reply

Your email address will not be published.


*