Ralhrang nih Timit hlei donh an timh ning cu a fiang ngai ko cang.

Ralhrang nih Timit hlei donh an timh ning cu a fiang ngai ko cang.

Timit hleihlun kam khan hleithar in ဘေလီတံတား ti mi pawl phun khan donh le sak an timh.

Timit hlei an donh dih tiah lih rumro khan rak post ti hlah ulaw a ttha.

Hlei tungkhur pakhat zong an co in an phun rih lo.Crd-Salai William HC

Vailamtah Pathian Sin Phaknak Lam A Si.Efesa 2:16 Vailam cung i a thihnak in Khrih nih an i ralnak kha a hrawh; Vailamtahnak cun cu miphun pahnih hna cu pum khat ah a fonh hna i Pathian sin ah a kirpi tthan hna.

Vawlei cung uktu hna nih vailamtah hi an rak hman. Vailam tahmi he pehtlai in thli pathum chim awk a um. Vailam cung ah tah in thih hi Rom chan lio lawng ah si lo in midang zong nih an rak hmanmi a si. Misualmi cozah a dotu hna thahnak ah an hman. Rom miphun cu Vailam in an that hna lo.

Vailam cung ah ah thahmi hna hi zapi hmuh awk le ttih ding in tuahmi a rak si. An lucung ah an sual an puh hna nak ca an rak ttial piak hna. Rom mi nih cun vailamtah mi cu ruak vui zong an rak duh hna lo.

Vailamtah ning hi ai khat cio lo. Lamkaltu hna vailam tahzong ai khat hna lo. Hri in an temchihmi hna zong an um. Thir an khenh chihmi hna zong an um. Vailam ah tahding mi hna nih hin an vailam tahnak ding kha an mah putter phung a si.

Khrihfa mi kan caah a sunglawi mi cu Vailamtahnak cung ah a thimi Jesuh Khrih tlanhnak hi a si. Vailam cungah Pathian dawtnak a lang. Vailam cung ah Khrih a thihnak nih mibu pahnih ralnak kha a hrawh. Judahmi le Gential mi karlak ah ralnak hi biapi ngai a si. Pathian le minung karlak ah a ummi ralnak zong a hrawh. Ralnak tinak in remlonak ti deuh ka duh.

Mihring hi kan chuahkehpi mi sining cu Pathian duhnak a theilo, a tuah kho lo. Tuahding zong a hngal lo. Minung kokek nih cun a tihmi kha pathain bantuk in a biak. Khuahrum sin rai thawi zong hi ttih ruang ah a rak si.

Pathian nih a kan dawt. Amah he remding ah Jesuh Khrih in lam a kan serpiak. Jesuh nih Pathain he remnak lam a kan serpiak. Jesuh nih a kan serpiakmi lam zulh lawng in Pathian, zeizong vialte sertu le a cung ah nawl ngeitu cu kan theih khawh i amah duhnak tuahding zong a kan chimh.

Jesuh nih a kan serpiakmi lam cu ‘Vailamtah lam’ a si. Zumtu kan sinak a langhtertu cu harnak, mi zeirel lonak le midang nih hlawtnak hna kan phurh, kan innak hi a si. Vailamtah lam zulh lo cun khamhnak a tling kho lo. Vailamtah hi Pathian sin ah a kan kirpi tthantu a si. Vailamtah put cu a har, Pathian vel ngeihnak Jesuh in a langhnak a si. Vel manfak ngai a si. Vel hi a lakin kan hmuhmi a si lo.Bil Hmung

Be the first to comment

Leave a Reply

Your email address will not be published.


*