Rak tong ta ning law, rak hmu ta ning law a liam buin ka lungdi a va riam tuk hnga

Kanmah duh ning in caan a kal lo zia hi.Naite ahkhan ka tlaihchan tukmi kan pa pakhat a dam lo ngai caah va len dingin timhlamhnak ka ngei. A fanu sin zongah na pa zoh ah ka ra te lai tiin bia ka kamh.

A zawt lio ah ka va veh bal. Bia zaza kan i ruah, a dam lo bu tein thazaang a ka pek, keimah lila tu. Zawt hnu ah zeitlukin hawikom hlam a si le dawtu hlam a si zia a ka chimh, a tu lelek a khuk thal aa leh bu, a khuh tuk bu hin suimilam 2 deng bia kan i ruah, a ṭhu kho lo mah bu cun a ih hmun tete biazaza kan i ruah.

Cuticun a voi hnihnak va len ṭhan dingin kai timh cuahmah lio ah civui he aa ton caah caan kan ngei ti lo. Ni dang tu ah tiin bia ka tiammi cu a thaizing ah a nunnak a liam ai.

Rak tong ta ning law, rak hmu ta ning law a liam buin ka lungdi a va riam tuk hnga. Asinain caan tha dang a um lai ka timi cu ka rak palh tuk ne. A donghnak ah chirnak he caan ka hmang, ka mitthli a tla.

Awww, minung nunnak hi mah duh ning in mer a he si khawh lo zia mu. Kaa fiang tuk. Thil ṭha cu rak tuah colh ding hi a rak a si.

Ka pa, Tan pa, dam tein vun kal kun mu. Na kal lai te ah nun zia na ka cawnpiak ta e. Kan philh kho ti lau lo.Crd.Nunu