Ralhrang nih nai ah Arakan Army(AA) he can karlak kahdaihnak aser. Cu asermi kahdaihnak ruangah AA cungah mi tampi nih ruahnak phunphun he an purhdah i an mawhchiat. AA lei nih cun “kan mipi ca ruahah can karlak kah daihnak kan tuah” an ti ve. Hi kahdaihnak hi zeiruang ahdah a chuah i zeitin asi timi bel fiang in an chim cio loh. Cu kong he pehtlai in tulio thawngpang a thangmi he ka purhdah mi tlawmpal kan hrawmh hna lai.
AA cu Northen Alliance timi AA, TNLA, le MNDAA hna he kawidua sertu ansi. A sullam cu hihna buu pakhat khat kha ralhrang nih a kah ahcun i bawmh in dohţi ding le ţangţi ding ti khi asi. Cucahcun Kokang(MNDAA) kahlio ah AA le TNLA nih an dirpi i biatak in an phomh pi.
Tutan ah AA le ralhrang pawl an i kah ţhan tikah AA nih Ralhrang hmunkhuar 10nak tam an lak i an uk pinah ralhrang ceilak an thah hna. Ralhrang nih hmun kakip ah ral a doh caah a ralkap aa phazo tilo i sungh le zatlak a tawn thluahmah caah a tikhawh bikmi “Van ral/Vanlong in kah dohnak” a hman. Cu lio lak ahcun TNLA tiah theihmi Ţaang/Palawng hriamtlai hna nih a chung in an miphun ca dothlennak an hmuitinh mi “Chunmang biathli” ralhrang kut a phan. Cu TNLA hmuitin cu ralhrang caah cun “Thingpar tla mi Sakithat nih sehchih” timi phungthluk bantuk asi.
Naihrawng cu Northen Allaince ah aa tel mi AA ni ralhrang a phomh cuahmah lioah TNLA nih ralhrang he dawrem ngai in an um i lakphakti hna an dingţi, tawnbia ruahnak a tu lelek an ngei. Kahdohnak cu chimlo “Kawi le dua” bang an tlawngleng ţi hna. Curuang ahcun TNLA nih Northen Alliance biatiam a karkhumh tiah mawh phurh le thangchiat a tong.
Cu lio cuahmah ahcun ruahlo piin Ralhrang nih TNLA in ralbawi rank sang asimi minung pathum(TNLA CEC) chungtel (ဒုဗိုလ်မှူးချုပ် အေးယွင်း telh in) phuk tiah a tlaih hna. Hi a tlaihmi hna hi ralhrang he biaruahnak a ngei lelek mi, ralhrang bawi he Lakpgak dingţi le le an kuttang ralkap le ralhrang hna hmunkhat ah a tlawngleng ţi mi ansi hna. Cu a tlaihmi hna chung in ဒုဗိုလ်မှူးချုပ် အေးယွင်း a labtop an lak piak i TNLA Center Committee an bia chahnak vialte Ralhrang nih an hmuh dih.
Cutikah ralhrang lei an “tawhaiher nih a vih” hna i TLNA kha tuk le kah lo awk an ţha tilo. Cutin TNLA a kah ahcun MNDAA he AA he TNLA he PDF he KNU/KNLA he KIA he CNA he cun zeitin hmanh in kah doh ding asi kho tilo. Cucahcun a ţih deuh mi le a lam um mi paoh kawl in a himdeuhnak le a tikhawhnak lam kawl in AA he kahdaih nak a ser i TNLA tu a kah nak asi. Khatlei in AA he kahdaihnak a tuah i TNLA a kah le cangka in Kukang hriamtlai asi mi MNDAA nih an kah colh ve.
Ralhrang nih AA he kah daihnak ser in TNLA le PDF, EAOs cheukhat kah hi ka him deuh in teinak ka hmuh deuh menlai ti ruahdawh asi. Asinain TNLA a kah le cangka in MNDAA nih an den colh ve i0 caah aa hlei lo. Cu longhlah AA he kah daihnak an ser ahkhan “an ralkap pawl an phaknak hmun ah dirdih le kahnak tuah loding” ti asi caah AA nih ralhrang hmunkhuar 10 leng a lakmi kha a uk colh i a ţhuthnawh colh tikah ralhrang caah cun sungh hnih sungh thum asi nain AAcaah cun a chunmang(ရက်ခိတ လမျးစဥျ) a tling thluahmah.
Cun hi AA he kahdaihnak a sermi nih a langhter mi cu Ralhrang nih ramchung ral dohnak a thazang aa phazao tilo ti hi asi. Cucahcun hilio hi canţha lak in kan doh kan kah ahcun ralhrang hi kan teinak lam a foi chinchin.Crd-Peng Hlawnceu
Leave a Reply