R.I.P Thih Dar Thantlang Ralzam in Minung 2 nih Mual an kan Liam tak .

Thih Dar 24.11 2022 Thantlang Ralzam in Minung 2 nih Mual an kan Liam tak .

ThantlangKhua ,Zung Hmun  Sang um mi, Pu Rual En(Tha Hnem Pa kum-60 )cu Thantlang in Tikir  Khua ah ralzam in an i dor. 24.11.2022 (7:00am) ah a kan thih tak.Thantlang Centenary Baptist Church (TCBC ) member an an si .

Thantlang khua Saihpiozi Sang um mi,Pu Ca Uk Kum-81 (Sayamah  Bawi Thai Pa) cu Thantlang Khua in Thang Aw khua ah Ralzam an I dor .Damlo in a um hnu ah Hakha khua ah an rak I Thlop .24.11.2022 ni zan lei 6.00 pm hrawng ah a kan thih tak .TBC member an si .

Tantak mi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak  in hnem ko hna seh .Crd-Ram Khar

Moses Ban Tha Dit Tik Ah Aaron Le Hur An Cawl.Exodus 17:12-13 Moses cu a ban tha a dit tik ah khan Aaron le Hur nih khan lung pakhat an i lak i a cung ah khan an tthutter i annih nih khatte lei ve ve in an dir kamh i a ban kha an doh hna. Ni a tlak tiang a ban cu an doh i Joshua nih cun Amilek mi cu a tei dih cikcek hna.

Israelmi hna Kanaan ram an kal tik ah rili kha leiro bang in an tan. Ti an hmuh i an din tik ah a kha. Moses nih thing a paih i a thlum tthan. Bawipa nih a hruai hna. Teinak an hmuh. Lawmhnak in an khat. Hla an phuah. An sak i an lam. Bawipa an thangtthat.

Raulopi ah Amilek mi nih an chuah hnawh hna. Amilek mi he an i do. Ral an tuk hmaisa bik a si. Ral kap tlam tling zong an ngei tuk lai lo. Salrian ttuanmi hna an rian mak in khual tlawngmi an si. Amilek mi cu an mah ram ah a rak ummi an si.

Moses khua khan hi duh a nungtuk. Joshua kha a thawh i mitlawm pal in i hril hna law ral va do u, a ti. Mi zei paoh ral tuknak ah an kal lo. Hrilmi deuh an kal. Hrilmi cu thimmi zong an si. Raltuk tikah hrilmi deuh nih tuk a si. Ralttha mi hi teinak an hmuh tawn.

Moses, Aaron le Hur tu cu tlang cung ah an kai. Moses nih a tthiangtthunh a herh tik ah Joshua le a ral kap nih an tei hna. A ban tha a dit i a tthumh paoh ah Amilekmi nih an tei hna. Aaron le Hur nih Moses ban an domh piak. Lung an lak i an dohpiak. Joshua le a ralkap nih teinak an hmuh. Moses nih,”Bawipa hi kan hmelchunhnak puanzar a si,” a ti.

Khrihfabu ahhin Pastor te hi hruaitu an si. Moses bantuk in Satan ral teinak ding ah thla a cam pengmi an si. Joshua bantuk in satan ral a dohtu hi Khrihfabu chung ah upa hna hi an si ve. Moses hi minung a si. Thadi kho a si. Amah bawmtu upa hna nih a ban an doh piak. Lung hna an danhpiak ral an tei.

Pastor nih Pathian sin thlacam ngol hlah u. Khrihfa upa le hruaitu nih dirkamh ngol hlah u. Satan ral cu kan tein ko lai. Pastor ban tha a tthawng ko mi hna a dertertu um sual hlah u. Khrihfabu rianttuannak cu a bu in ttuan a si. Pakhat le pakhat thazaang i pek, i dirkamh in satan ram nawr u sih. Amilek Ral kan tein ko lai.Bil Hmung

Be the first to comment

Leave a Reply

Your email address will not be published.


*