R.I.P Thih Dar Pu Lian Kil nih a kan liam tak.

Thih Dar 31.8.2022 Thantlang Khua le Thantlang peng nih Pa can kan i ngeih mi ,Ram le Miphun caah Bochan mi Fanu Fapa tha tampi a kan hrin piak tu KanPa ,Thantlang Khua Lungtial Sang um ,Pu Lian Kil kum- 92

(MP Pi Ni Sui Lian,Pu Khua Uk Lian ,Rev. Ceu Mang hna i Hringtu an  pa), cu a chuah keh nak Leitak Khua in Aizawl
Sizung ah a Pumsa dam lo nak ai thlop nak in 31.8.2022 ni ah a kan thih tak . Thantlang TBC Khrihfa Bu chungtel an si .Tantak mi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak  in hnem ko hna seh . Crd-Ram Khar

Thlanmual thianh ah a kalmi Kanpetlet khuami SAC nih an kah hna .Chin Ramkulh, thlanglei Laitlang Kanpetlet khuachung ah khrihfa upa hna hruainak in nihin August 31 ah khuapi thlanmual thianh ding in an kal lio ah SAC ralhrang nih an rak kah hna i khuami pakhat fak ngai in hliam a tuar tiah theih a si.

Hi kong he pehtlai in, “Kanpetlet khua chung sianginn pakhat ah hmun a laa mi nih an kan kah. Hi an kah nak ruang ah a nunnak liammi cu kan um lo. Kan nih hi thlanmual thianh ah a kal mi kan si. Hliam a tuar mi zong hi cu ti pi a fak cu si lo.

A nunnak ca ah tihnung ding a um lo,” tiah thlanmual thianh ah a kal ve i kah a tongmi min langhter duh lo pakhat nih CCN ah a chim.  Cun, sualnak ngei lo khuami kah an tonnak kong ah, “SAC ralhrang lei nih atu bantuk in khuami nan kah hna, nan tuahto hna a si rih ko ahcun CDF lei zong kan dai lai lo. Fak piin kan in leh ve hna lai,” tiah CDF Kanpetlet nih cathanh an chuah colh ve.Crd-CCN

Biakam thar cauk James.Biakam thar chungah James tiah mirang in ttialmi cu Lai Bible zongah Jeim tiin a leh i Mizo Bible nih cun Jakoba (mirang in cun Jacob) tiah a leh ve. A dangmi a lo nan a khat ko. An sullam zong a khat ko. James cu Hebru min Jacob in a rami a si. Greek zong in siseh Hebrew zong in siseh rel tik ah Jacob awchuah bantuk deuh in an chuak. James tihi cu mirang holh in van ser cangmi deuh a si. A tang ahhin zoh hmanh uh sih.

Latin Iacobus, from Ancient Greek Ἰάκωβος (Iákōbos), from Ἰακώβ (Iakṓb), from Hebrew יַעֲקֹב‎ (Yaʿăqōḇ).

Buaiding a um lo an i khat ko tiah ka professor nih a ti. Zohtik ah an sullam zong a khat ko. Lai Bible nih Mirang Bible chirhchan in James timi kha a neihbik awchuah in Jeim tiah a leh ve i cucu si ko. Mizo Bible nih Jakoba tiah a lehmi tuk khi cu anmah Hebru min Jacob ti auh ning in le Greek le Hebrew original awchuah deuh in an leh ti khawh a si. A zei si hmanh ah a khat ko. James ti cu Hebru min Jacob in a ra ti si.Van Tum

Be the first to comment

Leave a Reply

Your email address will not be published.


*