R.I.P Ngaihchiatpinak

Kan Khrihfabu chung in TABC sang ummi Pa Van Uk Nawl – Kum 22 (Pu Ngun Cung fapa) nih 2022 Sikpar 11 ah mual a kan liamtak.

Anih hi Malaysia in a rak tlun hnu ah hriam a tlaimi Chin pasal ttha a si.A chungle zong Thantlang peng khua pakhat ah ralzaam dirhmun in an um lio a si.

Hmunkip kakip ah a ummi cuartlai sahlawh rualchan vialte hna, TBC Khrihfabu chungtel dihlak nih kan in ngaihchiatpi hna.

Bawipa Thlarau hnemhnak nan dihlak cungah um seh. Hi vawlei ahhin kannih caah zungzal hmun ding khua a um lo, a ra laimi khua tu kha kan cuan. Hebru 13:14 Crd-TBYD Thlalang Cazual -TBC Mino

Chungkhar Ah Thleidan A Ttha Lo.Genesis 37:3 Josef cu a tar hnu i a hrinmi a fa a si caah Israel nih khan a fa le dang nak in a dawt khun i angki leng a suami banfual kha a ser piak. An pa nih anmah nak in Josef a dawt deuh kha a u le nih an hmuh tik ah an huat ngai ngai i a chawnh hmanh tthittha in an cawn duh lo.

Jacob tuanbia kan rel tikah Pathian nih thluachuah a pek ko kan ti lai. Amah hmang in Israelmi phun 12 zong an si. Jacob cu Pathian nih lam a hruai ko. Jacob Pathian cu thluachuah peknak zong ah hman tawnmi a si. Jacob nih a tuah mi thil tampi le thluachuah hmuh nak hi chim lengmang a si ko. Nangmah tein rel hmanh.

Sihmanhsehlaw, Jacob tuahsermi ruang ah a cangmi thil hna ah duh a nung lomi tete an um ve. Nupi tampi ngaih hi cu an phung a si caah kanmah nih mawhchiat awk a ttha lo. Nunphung cu kan sining a langhtertu a si ve. Jacob nih nupi pali a ngeih. Leah hi a nupi hmaisa bik a si. Rachel hi a pahnih nak a si. Leah salnu zilpah le Rachel salnu Bilhah zong nupi ah ai tuah hna. Jacob nih Rachel a dawt deuh. Leah kha a daw lo deuh.

Jacob nih a fa le lak zong ah Josef kha a dawt bik. Angki fual bansau mi zong a tthitpiak. Josef nih hin mang a manh. A mang kha a chimh hna tik ah a u le nih an huatnak kha a zual chin lengmang. A hnu ahcun a u le nih a mah kha thah ding in khua an khan. Izipt ram ah an zuar. Hnu ah a cang mi kong cu va um rih seh.

Jacob fa le chung ah huatnak a chuahtertu hi a mah Jacob tuahsernak a si. Fale cung ah thlendannak ngeih hi a ttha lomi a si. Fale cung ah thleidannak ngeih nih a chuahtermi hi nu le pa caah a fak ngaingaimi ngaihchiatnak a si. Jacob nih ka fa pa cu a ngai i a fa le vialte nih hnemh an zuamnak in ‘hmenhnak kha duh loin “mithi khua sheol ah ka fapa zunngai in kal ko ning’ a ti hna.

Innchungkhar fale hi BAWIPA sin in kan hmuhmi ro an si. Thluachuah a kan pekmi an si. Fale thawngin lung lawmhnak le hna ngamnak hmuh ding hi duh a nungmi a si. Jacob zong hi fapa 12 a ngeih hna. A fa le nih an tuahmi thawngin lunglawmhnak le thanuamnak a hmuhmi tampi a um ve ko lai. Josef le a u le kar ah a cangmi nih cun a ngaihchait tern gai ngai. Fa le cio cio thleidan ruang ah a si.

Nule pa nih fale cu thleng dang lo tein dawt ding a si. Fa le nih an tuah khawhmi cio a um lai i thazaang pek ding a si. Thleidan hmang mi hna he um ti tik ah pakhat le pakhat karlak ah i huatnak le i hmuh thiam lo nak, i chawn tthittha duh loin umnak tiang a chauk ti hi cathiang nih a kan cawnpiak ve.Bil Hmung

Be the first to comment

Leave a Reply

Your email address will not be published.


*