R.I.P CNA Ralkap Private Van Uk (kum 22) A Nunnak A Liam

CNA ralkap private Van Uk (kum 22) cu nihin November 20 zanlei ah a nunnak a liam tiah theih a si.

Cycle pakhat ah a hawipa he an i phirh i an kal cuahmah lio ah ruah loin cycle cungin a tlak caah a nunnak a liam hi a si.

Amah nih hin ka dam pah lo tiah a chim caah cycle cit lio ah a lungmih in tlakdawh a si tiah zumh a si.

CNA Ralkap Private Van Uk cu a chuahsemnak khua ah an tlunpi tiah theih a si.The Chin post

Kan Chin Unau pawl, Myanmar ram buai ruang i Mizoram ah ai dormi hna le Myanmar ramchung i a ummi hna,Nan u le nau Mizoram i ummi hna nih dawtnak in kan rak in cohlan hna lio hin nunzia le umtu thiam deuh ulaw kan duh. Kan covo le kan rawlbel kan in hrawmh hna, ei le din ding an har lai ti phang in kan in vehvat hna.

Kan kut cung in rawl thawthaw le meh thawthaw kan in barh hna lio ah nannih nih RITHAISI nan kan barh lehlam!!…DAWTNAK in remh khawh kan in zuam hna lio ah ZERTIAN in kan hnulei in kan kehleng nan phelh. DAWTU caah cun a fak hringhran ko! A taktak ngaingai ah cun, Kan Nu Kan pa le lungthin ah a thi kho ti lomi hliamhma, chanthar hna nih philh hramhram ding in an keng ah kan bengh depdep hna ruang i daiziar in a ummi hna inntuarnak kha chim lo awk a ṭha ti lo hihh…Rak theithiam hram ulaw..Lungfimnak tu ah hmang hna usih.

Mizoram buai lio, kum 1966 hrawng i kan nu kan pa le nan ram i an rak zam lio khan hnu nan rak chit tak hna i, ngaihchia lungfak le thinphang in an rak zam takmi India Ralkap hna lei ah nan rak kirtir ṭhan hna kha muuu.

An kir ṭhan ruang i harnak tampi le nunnak tiang liam a sinak cu chim hau lo va si cang seh..Hi thil hi ngaihchia ngaingai a si. Hacang i rial buin an kan chimh depmap tawn i, nain…atu chanthar hna nih, “Nan rak mawh lo, kan in theihthiam tuk hna…” ti in kan u le nau atu nan sican theithiamter hna kan i zuam tungmang ve.

Hi tluk hin kan in domhtlaih hna lio ah awlok nan kan chon hnawh, rithaisi nan kan barh, nan kan zuarh, phungning lo in awlzang tein India rammi sinak covo can ve nan hei i tim.

Hna i cheh in kan mit kan i chim hramhram bu in nan taw nan kan hlim hnawh…..Za rengruang cang seh mu…Kan i thangchiatnak le lungthiang lo bu in i holh chuahnak hmurka a si lo hi mu..U le nau hna, kan lungfim tuah seh.Crd-L.Z Ringlawt Lai

Be the first to comment

Leave a Reply

Your email address will not be published.


*