Pu Zingcung le a tapeh rual nih aana an tingmi thlah than an sian ti lo ahcun pengtlang kar ral thawh um te kho

Pu Zingcung phu nih Nothankap an thawl i CNF aana an ting. Falam peng CNA ralkap vialte an lungfak caah an chuak dih, pengdang zong nih CNF/A cu Hakha le Tt peng hriamtlai phu a siโ€™ tiah an ruah beh. Tedim le Falam peng ah cun CNA nih an rak thahmi an tam tuk caah Kawl ralkap tluk deng in CNA hi an tih i an huat. TT khuachung zong ah mi sawhsawh tam ngai an rak thah ve hna kha. Nothankap zong kha a paw ah an kah i a thi cang an ti hnu ah an kaltak tiah ka theih, a dik le dik lo cu ka fehter kho lo.

๐Œ๐€๐‡ ๐ง๐š๐ค๐ข๐ง ๐™๐ข๐ง๐ ๐œ๐ฎ๐ง๐  ๐š๐ง ๐ญ๐ข๐ก ๐๐ž๐ฎ๐ก ๐๐š๐ฐ๐ก: Falam le Tedim peng ah cun โ€˜MAH maw na tih deuh or Pu Zingcung dahโ€™ tiah hal hna sehlaw โ€˜Pu Zingcung ka tih deuhโ€™ a timi an tampi lai.

๐๐ฎ๐ฉ๐š ๐ซ๐จ ๐›๐š๐งg ๐‚๐๐… ๐ค๐ก๐ข ๐š๐ง๐ฆ๐š๐ก ๐ญ๐š ๐š๐ง ๐ซ๐ฎ๐š๐ก: CNF/A khi Chin miphun dihlak ta tiah an chim tawn ko nain hruaitu lutlai sinak belte cu Pu Zingcung(ZC) le a tapeh pawl nih pupa ro bantuk in an mah ta ah an ruah i tutiang an uk peng. Suu Kyi nih a tapeh U Win Myint le Htin Kyaw president a tuanter hna i amah nih biachahnak a tuah tawn bang, ZC zong nih a tapeh cheukhat cu zoh dawhnak caah a phung men thimnak tuah in CNF hotu rian a khinh tawn hna nain amah nih a control dih ko hna. CNA zong a tuan bal loin US a phanmi Salai Thlahei zong khi a tapeh a si caah GS a tuanter peng ko khi. ZC le a tapeh rual nih an duh in an mer khawhmi lawng khi CNF upa an tuan kho. Tuni tiang ah cun pengdang dang vialte nih an cohlan khawh ding tiang in CNF remh an i tim bal rih lo.

๐‚๐๐… ๐ณ๐š๐ฆ๐ญ๐š๐ค ๐ข๐ง ๐ซ๐š๐ฆ๐ญ๐ก๐š ๐ฉ๐ž๐ฆ ๐œ๐ข๐š ๐š๐ง ๐ฌ๐ข ๐ค๐จ ๐ง๐š๐ข๐ง: Pu ZC telh in CNF lutlai vialte khi duhdim tein vawleicung ramtha bik US le EU ah khua a sa cangmi lawngte an si. Ramtang um an lung a dong hnu ah ramtha ah an zam i asylum/refugee an sawk, CNF nih zulhphung fek rak ngei cang hna sehlaw uktu sinak cu chim lo, member sawhsawh hmanh ah telh awk a tha ti lo dingmi an si, nain an fimzer caah an zam hnu zong ah aana an tlaih than khawh peng rih.

๐‚๐‚ ๐ฎ๐ฉ๐š ๐š๐ง ๐ฅ๐จ๐ซ ๐ญ๐ฎ๐ค: Ramdang ah Chinland Club upa tam deuh cu Khin Maung Yee nakin an lor deuh ve, mit an kem tuk caah atu lio CDF fund kawl piaktu hna le pengtlang upa hna he an i rem bak hna lo. CC chairman tuan khi pupa ro ah an ruah ve hoi, anmah peng nawlngei bik si an duh. An lungput ziaza an thlen ve a hau.

๐‹๐š๐ฎ๐ญ๐ฎ ๐‚๐ƒ๐… ๐ง๐ข๐ก ๐‚๐๐€ ๐ซ๐š๐ฅ๐›๐š๐ฐ๐ข ๐›๐ข๐ค ๐š๐ง ๐ญ๐ฅ๐š๐ข๐ก: CNA ralkap vialte an lu bik a simi ralbawi pa cu Lautu ram ah zuu a ri i meithal a puah, Lautu CDF nih an tlaih i thong an thlak. Hibantuk siikan ngeilo CNA ralbawi an um pah tawn caah CDF pawl nih CNA cu 100% an zumh ngam lo khi a si ve.

๐‚๐๐… ๐ง๐ข๐ก ๐‚๐ก๐ข๐ง ๐ก๐ซ๐ข๐š๐ฆ๐ญ๐ฅ๐š๐ข ๐ฉ๐ก๐ฎ ๐ฏ๐ข๐š๐ฅ๐ญ๐ž ๐ฎ๐ค ๐๐ข๐ก ๐ญ๐ข๐ฆ๐ก: โ€˜One commandโ€™ tang ah Chin ralkap vialte um a herh timi an pemh dih caah CJDC timi hriamtlai phu komh an ser. CJDC tang ah cun CNF tluk in CNDF le CDF Mindat zong power an ngei ve cang. Nain, nikum thawk in CNF/A cu phaisa le meithal tam taktak an vun ngeih cang tikah โ€˜ziah kanmah pei kan ngan bik cang ko cu, kan fa thi he ai rual in nawl kan ngeih awk a si ti lo, kanmah nih kan uk dih hna a hau, kan thawng ngai cang i an kan ti ngam ti lai loโ€™ timi ruahnak thar an vun ngei.

๐€๐ง ๐œ๐จ๐ง๐ญ๐ซ๐จ๐ฅ ๐ค๐ก๐จ ๐ฅ๐จ๐ฆ๐ข ๐ฉ๐ก๐ฎ ๐ญ๐ก๐ž๐ง๐œ๐ก๐ž๐ฎ ๐ฅ๐ž ๐ค๐š๐ก: CNF nih an zenh bikmi CNDF cu an target ngan bik a vun si. Zaniat le Hualngo kha an komh colh hna i anmah le anmah an sehter hna. Tedim peng ah cun โ€˜ZRA cu MAH tapeh an siโ€™ timi propaganda an thlah hmasa i Zoland PDF te pawl hmang in an kah hna. Mindat CDF zong an i thenthek ngai, CNF nih virus a thlah ruang ah a si maw timi belte ka fehter kho lo. Mara le Senthang zong ah anmah le anmah an sehter khawh ngai hna.

๐‚๐๐… ๐ฎ๐ค๐ง๐š๐ค ๐ญ๐š๐ง๐  ๐š ๐ฎ๐ฆ ๐๐ฎ๐ก ๐ฅ๐จ๐ฆ๐ข ๐ฉ๐ก๐ฎ ๐ง๐ข๐ก ๐€๐€ ๐š๐ง ๐ฉ๐š๐ง๐ก: Ne Win bang, tar tiang uknak thlah a siang ti lomi Pu ZC le a tapeh pawl nih uk than ding cu CNO/CNDF, Mara MDF, Mindat CDF le pengtlang CDF cheukhat nih an duh ve lo caah AA an panh. AA nih a bawmh theng hna lo i CNA nih ZRA bantuk in a kah sual hna ahcun vansan ah MAH lila bawmh an hal te khomi asi, DKBA bantuk in. Cu dirhmun phak cu tih a nung bak.

๐Œ๐ข๐ฉ๐ก๐ฎ๐ง ๐š ๐๐š๐ฆ ๐ง๐š๐ค ๐ก๐ง๐ ๐š ๐‚๐๐… ๐ง๐ข๐ก ๐š ๐ญ๐ฎ๐š๐ก ๐š ๐ก๐š๐ฎ๐ฆ๐ข: Miphun nan dawt taktak ko ahcun ramtha ah a zam ciami vialte cu โ€˜๐ž๐ฑ๐ž๐œ๐ฎ๐ญ๐ข๐ฏ๐ž ๐ซ๐ข๐š๐งโ€™ tlaih i tim ti hram hlah u, nanmah cu ruahnak petu rian lawng nan tlaih awk a si cang. Ramchung le ramri ah a cawl khomi mino hruaitu tha tampi kan ngei ko hna. Saya Kamlo(Hakha CDF) le Van Thawng Thang(CNDF) te pawl khi Myanmar president hmanh a tuan kho ding an si cang.

Cucaah, miphun a dam nan duh taktak ahcun CNA/F dictators vialte khi i din cang u(Than Shwe nakin aana nan ting caan a sau deuh cang hih). Peng kip CDF vialte sawm u law ai rual tein CNF/A ah power pe hna u. Asilole, zapi cohlan ciami CJDC kha fek tein thazaang thawnter than hram ko uโ€” pengtlang kar ral a thawh nak hnga lo.Crd.Salai Lungthli Tum

Be the first to comment

Leave a Reply

Your email address will not be published.


*