Pu Thawng Bik kongah thawngthanh kan duh hna.

Pu Thawng Bik kongah thawngthanh kan duh hna. Tuzing ah Coroner lei ka chonh hna i tuhnu zarh hnih hlan ahcun ruak kan in pe kho hna lai lo an ti caah ruakvui a tuan lai lo tiah thawngthanh kan duh hna. Program suai kan duh mi cio ah i awtawm in ummi kan tam caah ka van in thanh mi hna a si. By Cung Hnin

Ṭhitumpuai Ah A Kal Mi Nu 2 An Kirlei Ah Kah An Tong, Pakhat Nunnak Liam.Mandalay ramthen, Patheinkyi peng Nandataung khua le Mandalay-Madaya lampi ah ṭhitumpuai zawh mi nu 2 cu an kirlei ah kah an ton caah minung pakhat nunnak liam tiah theih a si.

January 31, zinglei suimilam 11:00 hrawng ah Nandataung khua ah ṭhitumpuai zawh ding in cycle he a kalmi mi nu 2 cu an kir lei ah cycle aa phirhmi mino pa 2 nih cycle in an dawi hna hnu ah meithal in an kah hna tiah mi bawmchantu phu in tuanvo ngeitu pakhat nih a chim.

Meithal akah a tong mi nu 2 hna cu Kyawy Yekone khua mi Ma Myo Ma Htay(kum 19) le Ma Phyu Zin Tan(kum 21) an si. Ma Phyu Zin Tan cu a Hnakhaw kam ah kuan a luh caah kah a tonnak hmun ah a nunnak a liam tiah a chim.

Nu pahnih kah an tonnak kong ah mi zei phu nih an kah hna le zeiruang ah kah an ton theih a si rih lo. Ma Phyu Zin Tan ruak cu mi bawmchantu phu nih Mandalay sizung ah an kuat tiah theih a si.The Chin Post