Pu Kio Luai kha mak cem ko lo hme maw?

Lai (Chin) tapung lakah hin van tuak set lengmang ah cun, Kio Luai tapung rak timi kha hlah maw an rak mak cem ko rua ka ti.

Anih kha ho bawmhnak a rak hal lo. Rangoon ah a rak choi rua i Mirang tourist pawl he khin, Barr lam hrawnghrang ah hmaan ai thla tung, an ti.

Zarh hnih thum ah a paar colh i a tlaimi zil cii, thla thum ah ei-cuu kawm cii tbk ai cawk.

Ṭiokap hrawng a va phanh tikah cun, Barr Lam hrawnghrang an hmanthlak cu New York UN le Geneva UN hrawnghrang ah ai cang. UN meeting kai bal a va si.

Zarh hnihthum i thawk tak in ei khawhmi zil bang hna a van cinpiak hna lebang cun, Moses bak si la ti ding khin an rak ruah ko cang ti si.

Ho bawmhnak a hal lo. A thluak a hman. Zultu kapṭhup ai neih hna i siasal bia Newin uico pa hruaimi Kawl cozah kan doh lai, a ti hna. Rezua palik sakhan hna a va ting deih ko.

Mizoram Saiha lei bank hna a rak ṭek mei, ti si. India phaisa rupee cu buri tuntun bakin an rak ruh.

Kawl teraap luhrang pakhat Khin Nyunt nih tlangcungmi hriamtlai pawl he daihnak kan tuah lai a von ti lio ah khan, Lairam chungah cun Pu Kio Luai lawng dawh biapi cem a rak si ko khah! CNF zong a rak laan ko hna rua kha mu!

Cu lawng si lo. Pu Kio Luai nihkhan, Laimi cu kan milu a tlawm tuk i kan milu karhter zong hi “mission lianpi pakhat a si” ti rak thei sehlaw a dawh.

Sangau hrawng a um lio ah cun, nupi 50 hrawng a rak ngei an ti. TT kiangkap hrawng a rak um belte ahkhan cun, pasarih paoh cu a neih ko rua, ti si. Men lo!

Kio Luai chan hnu chanthar tapung pawl hna hi cu ei ei ei Meithal cawkpiak an hau. An eibaar awk zalhpiak an hau. An ichawhlehnak ah thirleeng an ti.Mingiatnak drone an ti. Anmah tein an izalhmi pakhat tal um mei?

Raal kan do an ti, a terh in an va terh hna i raal nih kan vawlei le kan ram lila ah an kan lor hnawh chinchin.

Pu Kio tluklo ral thawh phun lam khi cu, miphun caah lohtlau lam lei panh chinnak a si vimanak si ko cu… pheh lo thuh lo te…Hehe.. capo biatak pah bia dahawh! Saṭhai-irikal Credit-Salai C Alexander

Be the first to comment

Leave a Reply

Your email address will not be published.


*