PPST dirkamhtu ah a cohlan mi cu KNU hruaitu nih a lak țhan

September 2, 2022 PPST hruaitu dirkamhnak rian a cohlan mi cu a lak țhan kong KNU lutlai Bu Chuk Gyi Saw Mutu Sae Poe (စောမူတူးစေးဖိုး) nih August 31 ah a thanh.

PPST cu ram pumpi kah daih lungtlinnak (NCA) min a thu mi hriam tlai phu 10 he dirh mi phu a si.

Thawng thanhnak ah cun Bu Hmu Gyi Saw Mutu Sae Poe (စောမူတူးစေးဖိုး) nih phu ai awh si lo in amah pumpak ruahnak le lungthleh nak he i tel dingin PPST sinah ca a kuat nain KNU rianțuan tonpumhnak ah dirhkamhtu ah țuanvo lak awk a si lo kong a lung aa thleh than caah tubantuk in a lak țhan kong cu a țial.

Amah dirhmun in Democracy hruainak a cohlan tu a si ii KNU nih ser mi phung hrampi le zulh phung hna cu țuanvo lak in kilven a herh kong cathanh ah a telh chih.

Cucaah pumpak ruah mi nak in phu zulhphung le sining cu papek in um kal dingah hmuitinh in PPST hruainak dirkamh tu ah a cohlan mi cu a hrawh than kong thawng a thanh than hna tiah theih a si.

PPST ah aa tel mi kahdaihnak ii minthu mi phu 10 hna cu KNU, RCSS, NMSP, ABSDF, KNU/KNLA-PC, DKBA, CNF, LDU, ALP le PNLO hna an si.

KNU, CNF le RCSS phu hna cu PPST ah an i tel tuk ti lo ii EAOs phu nih PPST cu pehzul in an kal pi.Crd-LCBN

Be the first to comment

Leave a Reply

Your email address will not be published.


*