Phundang lam in ka ruat hlah uh law, teite tik le a rem caang te tik i Thantlang sersiam te ding khi cu keicu ka beisei lem lo.

Phundang lam in ka ruat hlah uh law, teite tik le a rem caang te tik i Thantlang sersiam te ding khi cu keicu ka beisei lem lo. Si kho te hmanh seh law mah tik ahcun Thantlang khua chung cu tupi a lo ko lai. Thingkung le ramkung an khat cang lai i hehtiah Lailei lovah bantuk in vah le duah a hau tthan hoi lai.

Curuang ahcun atu tein remh le sersiam ah a ttha bik ko tiah ka ruah. Mah lo ahcun caan rem le caan ttha kan hmu te sual ti lai lo i Thantlang khua cu ralkap sakhan le khua ah a cang lan sual lai phang a um. Lungthiang tein.

Adang relthan:Laimi (Chinmi), kan zatlang nun ah le kan Khrihfa nun ah a dawh lo ngaimi tiah ka ruahmi pakhat cu kan nehsawh khawh tawk le kan nek khawh tawk minung cungah cun hehtiah a bubu le a runrun in kan neek hna, kan nehsawh kan serhsat hna nan kan ttihmi hna minung nih cun zeitluk i an kan ti le an kan soisel len zongah uico bang kan mei kan tawkaa karlak ah kan i ceh i dai tein kan i ing men ko. Mah kan zia te zonghi hlonh le hlawt a hau cang. Khrihfa mi nih cun thleidannak neih lo ding le a derthawmmi tuk bawmh le dirpi ding kan si nan.

Zeidah an i tinhmi a si ti le an zumhnak an kalpi mi fiang tein theih huaha ttung lo i nautat le nehsawh le rem lo deuh ruangah le hnahchuah ruangah hehtiah solsel le zomhtaih le a si lo ning piin puh ti bantuk hi minung kan nunnak ah a um lengmang tawn.

Tahchunhnak ah UPC hei nektuk ruangah le rem lo ruangah an zumnak le an kalpi mi “Oneness” kong hna ttha tein theih ttung loin le hngalh ttung loin soisel le a si lo ning puh le kalsual nan si ti bantuk phun zong. Thil pakhat kong chimrel le soisel le sualpuh kan duh ahcun ttha tein an konglam le an zumhnak le an i tinhmi le an kalpi mi kong le a ruang hna kha kan theih ve bak i kan hlat ve hmasa bak a hau. Mah hnu lawngah soiselnak le sualpuhnak zong tuah ding.

Bible sianginn kan kainak ahhin research paper le paper dangdang ttial ter peng a si. Kan professor te nih an huat ngaimi cu theologian siloah scholar pakhat nih a ttialmi a ruahnak fiang tein thei huaha loin le ruahnak ttha deuhmi chuahpi khawh fawn ttung lo i sullam um lomi le ningcang lo piin soisel phun cu an duh bak lo/an huat tuk. An duhmi phun soiselnak cu catialtu zumhnak le kalpi mi le pommi fiang tein theih hnu le i fiang hnu i a tthami le ruahnak thar le ningcang tein soiselnak tuah cu an duh tuk fawn.

An konglam fiang tein theihttung lo i nektuk ruangah le rem lo ruang men i soiselnak tuah cu lungput tthat lo pakhat a si ve.Crdit-Van Tum

Be the first to comment

Leave a Reply

Your email address will not be published.


*